مراد مسك أيديه: تروح معاك فين؟ انت إيه مش بتسمع؟ بقولك مراتي.
علا: انت اتجوزتي يا فريدة؟
فريدة دموعها نزلت على وشها ونامت في حضن شوشو.
مراد: كلميني أنا.
علا: تتجوزي يا فريدة من غير أخواتك؟
مراد: أخواتها؟ وانتوا كنتوا فين؟ ما سألتوش عليها ليه؟ عمومًا يا مدام، انتي والاستاذ، فريدة رفضت إنه يحصل أي ارتباط إلا بعد ما سيادتكم تعرفوا، علشان اخواتها. وقال كلمته دي وهو بيضحك بسخرية.
علاء: يعني مش متجوزة صح؟ وضحكتوا علينا.
مراد: ده اللي فهمتوه من كلامي؟ صحيح انتوا الاتنين ما تستهلوش إن فريدة تبقى أختكم. ودلوقتي اتفضلوا بره البيت ده، واعرفوا إنكم لو دخلتوا البيت ده تاني مش هتلاقوا غير الباب.
علاء: احنا اللي ما يشرفناش إننا ندخل البيت ده تاني، ومن النهاردة احنا ملناش أخت اسمها فريدة، اللي تقبل تعيش مع واحد من غير ما يكون بينهم صفة.
وأخد أخته ومشي.
مراد بص لفريدة اللي نامت في حضن شوشو: هم دول اللي انتي كنتي مستنيهم علشان تاخدي رأيهم؟ شوفتي أنانيتك وسلبيتك معاهم وصلتكم لإيه؟ وخلص جملته وابتعد بخطوات غاضبة.
في هذه اللحظة أحست شوشو بثقل في جسد فريدة، نظرت إليها فوجدت فريدة أغمضت عينيها، صرخت شوشو: بابا، الحق فريدة.
جرى بسرعة مراد حاول يفوق فريدة، لكن دون جدوى، حس مراد بالعجز لأنه لن يقدر على حملها، ووجه كلامه لشوشو: اطلبي أسر، خليه يكلم الدكتور يجي بسرعة.
طلبت شوشو أسر وبلغته.
وبعد شوية وصل أسر وحمل فريدة إلى أوضة مراد، وبعد شوية وصل الدكتور وطلب منهم الخروج. لم يتبق منهم سوى شوشو اللي أصرت على ذلك. قام الدكتور بالكشف على فريدة وأعطاها حقنة مهدئة.
خرج الدكتور، جرى عليه مراد: خير يا دكتور؟
الدكتور: طمني، مفيش حاجة، هي تقريبًا اتعرضت لصدمة عصبية، وهي جسمها ضعيف فمستحملتش. أنا أديتها حقنة هتخليها تنام للصبح. عن إذنكم.
خرج الدكتور مع أسر.
دخل مراد شاف فريدة نائمة على السرير ووجهها شاحب، وشوشو قاعدة جمبها ودموعها نازلة. قرب مراد من شوشو: هتبقى كويسة.
شوشو بدموع: صعبانة عليا أوي يا بابا.
مراد استغرب من كلمة بابا وبص لشوشو.
شوشو فهمت، جريت على حضنه: سامحني يا بابا، مش هي أحسن من دادي؟
مراد رفع وجهها ليه: أي حاجة منك حلوة. ممكن تخرجي وتسيبيلي؟
شوشو: أنا عايزة أفضّل جمبها.
مراد: معلش، سيبيني معاها.
شوشو وافقته، بس قبل ما تخرج قالت: يا بابا. وخرجت.
اكتفى مراد بابتسامة.
قرب مراد بالكرسي من فريدة: انتي عارفة نفسي في إيه دلوقتي؟ نفسي آخدك في حضني وأطيب كل جروحك. أنا عارف إنك سامعاني، بس أوعدك إني هدفعهم تمن ظلمهم ليكي، علشان انت أنقى شخص أنا عرفته. وعايز أقولك على سر: أنا مش بحبك، أنا بعشقك. وباس ايديها.
أما عند شوشو، فمجرد ما خرجت من عند فريدة شافت أسر داخل من باب الفيلا، حاولت تهرب منه، بس أسرع بالإمساك بيها: لحد امتى هتفضلي تهربي مني؟
شوشو اغمضت عينيها: أنا مش بهرب منك ولا حاجة.
أسر: أومال تفسيري إيه؟ كل ما أحاول أشوفك تهربي. لا بتعاندي معايا. انت ما حرمتيش من العند ده وصلك لفين؟
شوشو كانت خلاص بدأت تنهار: طبعًا لقيت حجة علشان تزلني بيها وتحسسني إن شخصيتي عندية وكل الاتهامات صح.
أسر: هو ده اللي فهمتيه من كلامي؟
شوشو انهارت خلاص: انت عارف إن بسببك هو كان هيعمل معايا إيه؟
أسر بصلها باستغراب.
شوشو: أيوه انت السبب، وقال إنه شافك يوم الحفلة وانت بتبوسني. وكملت بعياط: وأنا إني شكلي مقضيها، عرفت بقى إنك السبب.
أسر: أنا عملت كده علشان بحبك يا غبية.
شوشو: بتحبني؟ وكريستينا؟
أسر لم يتمالك نفسه من الضحك.
شوشو ضربته في صدره: بتضحك ليه؟
أسر سحبها وراء: تعالى نتكلم في الجنينه بره.
خرجت شوشو معه: ادينا خرجنا، ممكن تفهمني إيه بقى؟
أسر: أفهمك إيه؟ عايزاني أقولك إني يوم ما كنت ناوي أعترفلك بحبي، عرفت إنك بتحبي الزفت اللي اسمه مارك.
شوشو برقت من الصدمة: إيه الكلام ده؟ مارك مين؟ وجيبت الكلام ده منين؟
أسر: مارك صاحبك اللي في لندن. ومين اللي قال؟ فكريستينا هي اللي قالت.
شوشو: والست هانم قالتلك ده وهي عندك في الشقة سهرانين؟ ولا لما سبتني وبابا تعبان؟ ولا لما كانت بتجيلك الشركة؟
أسر ضحك على طريقة شوشو في الكلام ونبرة الغيرة اللي في صوتها.
شوشو قامت تقف: واضح إني بقول نكتة. عن إذنك.
أسر شدها من ايديها: اقعدي بس، وأنا هحكيلك اللي حصل.
شوشو قعدت.
أسر: أولًا، كريستينا جاتلي البيت وحاولت معايا، بس طبعًا أنا طردتها من عندي. فردت عليا وقالت إني لو رافضها علشان بحبك، فبقى غلطان، لأنك بتحبي مارك، ونزلتي تشوفيه من وراء بابك علشان تودعيه.
شوشو: طبعًا صدقتها.
أسر: طبعًا لازم أصدقها، وخصوصًا بعد اللي قولتيه يوم ما شوفتك بتتكلمي معاه في الكافيه. وفاكرة لما طلبتي مني إني باباكي ميعرفش عن حاجة؟
شوشو: علشان بابا كان رافض إني أصاحب مارك، كان مفكر إني ممكن أحبه، فحب يبعده عني. بس هو لما حاولت أكلمهوش، مشي يومها ورا كريستينا بس.
أسر: طب يوم ما كنتي تعبتي كنتي بتنادي على حبيبك؟
شوشو: طبعًا حضرتك فسرت إن الزفت مارك، وأصدرت حكمك من غير ما تسألني صح.
أسر قرب منها أوي: طب عرفيني الصح.
شوشو اتوترت من قرب أسر ليها: ممكن تبعد.
أسر: هبعد بس بشرط واحد. وطلع من جيبه فلاشة واداها لشوشو.
شوشو: إيه ده؟
أسر: ده فيها كل الإجابات على الأسئلة، وبعد ما تشوفيها مش هتنازل عن كلمة واحدة.
وسابها ومشى.
أخذت شوشو الفلاشة وطلعت على أوضتها، وجابت اللابتوب وحطت فيه الفلاشة اللي كانت بتحتوي على مقاطع فيديو لكريستينا لما راحت لأسر وطرده ليها، وكمان لما راحت الشركة، وكانت شوشو بتتفرج وهي في قمة سعادتها، وظلت تتابع الفلاشة مرات عديدة وهي سعيدة.
عدى وقت، وبعدها نزلت شوشو للاطمئنان على والداها، خبطت ودخلت لقت والداها قاعد على الكرسي جمب فريدة: إيه الأخبار؟
مراد: تعالى ادخلي.
شوشو راحت ناحية بابها: ممكن حضرتك تتفضل تستريح، أنا هاخد مكانك.
مراد: لا، أنا كويس، مش هقدر أسيبها.
شوشو: يعيني على الحب. لا، متقلقش، أقوم وأنا هخلي بالي منها.
بعد شد وجذب خرج مراد تحت إصرار شوشو، وهو خارج فضل نظره متعلق بيها.
شوشو: والله ما تقلق، هاخد بالي منها.
قعدت شوشو بجوار فريدة وأخذت تحدثها: أنا مش عارفة لقيت قلبي اتعلق بيكي من أول مرة شوفتك فيها، وأنا حاسة إنك حد قلبه طيب أوي. بس خفت أتعلق بيكي وأخسرك. وكملت بدموع: أصل أنا كل ما قلبي يحب حد يسبني، زي أسر. وحاجة كمان: بابا لما شوفته متعلق بيكي، خوفت أخسره وتاخديه مني، وأنا بصراحة ماليش حد غيره. بس بعد صبرك على كل تصرفاتي حسيت بقلبك الأبيض، وبعدين بصراحة أكتر شوفت الفرحة في عيون بابا والسعادة، علشان كده استحالة أقف ما بينكم تاني. بس قومي انتي.
