رواية هوس العشق
الفصل الأول
بقلم نور حصرية وجديدة
أبيه سمير عيب كده.
متعمليش صوت بقا.
كان ماسك ايدها جامد.
جت عفاف وقالت بحدّة: إيه اللي بيحصل؟
بعد عنها سريعًا.
مفيش حاجة يا ماما، دي ليلى بتتأثر من أقل حاجة.
لييييلى.
كانت عينها مليانة دموع، قالت: نعم يا عمتو.
خدي فلوس وروحي هاتي طلبات للبيت.
حاضر.
مشيت فورًا، وكان سمير بيبصلها، لقى أمه عينها عليه، فمشي بتوتر.
خرجت تشتري الطلبات، وكان البياعين بيبتسملوها بلطافة. كانت ليلى أعرف بنت في القرية، والناس كلها بتحبها.
سلميلى على مصطفى أبوكي.
يوصل.
مشيت بسرعة عشان ترجع البيت، وفي الطريق جت عربية بسرعة كالبرق وخبطتها.
وقعت على الأرض واتأثرت.
يابن الكلب.
شتمه راجل بيبيع طماطم.
وقفت العربية، وفتح الباب، ونزل رجل مفتول العضلات لابس نضارة شمسية.
إنتي كويسة يا ليلى يا بنتي؟
آه.
بصيت على الراجل، وكان باصصلها لثواني، وكأنه كان نازل يتكلم بحدة، بس لما شافها تراجع، ولف ولسه هيمشي، مسكه البائع وقال:
إنت فاكر نفسك في زريبة؟
دفعه بقوة في وشه.
قال: اعذرني، بس متأخر.
نفض لبسه، وركب عربيته، ومشي.
عيطت على الأكياس اللي تبهدلت، وهي خايفة.
يالهوى، عمته هتزعق شهر كامل.. ربنا يستر.
في فيلا كبيرة، كان راجل بيتكلم بغضب:
يعني إيه الصفقة راحت فين؟ اسسسرررر.
كان كل الخدامين خايفين من الصوت.
دخل عليهم ببرود، وهو لابس نظارته الشمسية.
أمااال، راجل فين؟ أنا مكلفه المهمة دي.
سكت لما لقاه، قعد على الكرسي قدامه، فقفل المكالمة وقال:
شرفت يا أسر.
مضايق كده لى يا عمي؟
إنت متممتش الصفقة اللي كلفتك بيها.
لا، قولتلك الصفقة دي مش داخلة دماغي.
إنت عارف خسرتنا كام؟
قول كسبتك كااام.
استغرب منه، لقى راجلين شايلين شنطة، حطوها قدامه. فتحها، لقاها مليانة دولارات.
إيه ده؟
قال أسر: صفقة إيطاليانو تممتها بدل اللي راحت.
قعد وهو بيبتسم، وزال غضبه، قال: مش ناوي تقولي على تحركاتك بدل ما تعصبني كل شوية؟ بتقصر عمري.
قام وهو بيقول: عمرك أطول مني يا خليل.
قال خليل: خليل حاف كده، إنت رايح فين؟
مشوار كده.
مشي وسابه.
جت واحدة من وراه، قالت: أسر فين؟
لسه ماشي.
إنت مبترحموش من الشغل، أنا مبقتش أشوف ابني.
ابنك مبقاش حد يقدر يكلمه يا فاتن، المفروض تفرحي.
فرحانة، بس مش ببعده عني.
لما يجي هخليه يكلمك.
لما يجي؟! قصدك وش الفجر.
في مكان هادي، كان أسر قاعد في أوضة مع واحدة ترتب له أوراقه.
الشغل كان متعب النهارده.
مردش عليها، تنهدت وقالت: زي عادتك متتكلمش عن الشغل.
عارفة إني مبحبش الرغي، يغني اسكتي.
وإنت عارف إني مبحبش أتكلم غير معاك… بتفكر في إيه؟
النهارده قابلت بنت بالعربية هي وواحد.
غابت؟
لا.
وإنت من امتى بتهتم؟
الغلط عليّا، مشيت من طريق قرية، مكنتش هي بس اللي قابلتها.
ضحكت وقالت: عملت مواقف.
لم يضحك، وكانت بتكشي إيدها على كتفه، لمست عضلاته، قالت: خليني أرسملك رسم هيعجبك أوي.
عن إيه؟
ذئب.
لمست وشه بنعومة وقالت: يليق بشخصيتك.
أدار الموقف بحسم، وهو فوقها حاوطها وقال:
مش قولتلك متغابيش؟
مسكت وشه بين إيدها، وباسته، بعدت وهي بصاله شوية.
لو غبائي هيوديني ليك، معنديش مانع.
قرب منها بعيونه الحادة و…
يتبع.
