بنت الوادي
مقدمة الأحداث
أول الطريق
وقفت فرحة أمام مرآتها تهندم من نفسها وتجدل شعرها ضفائر كادت أن تصل إلى النصف الأسفل من ظهرها، تأملت ملامحها الجميلة التي جعلت كل شاب في البلد يقع صريع هواها، لكنها لم تر فيهم إلا ابن عمها فاروق الذي ستزف إليه بعد أسبوع.
رغم عدم ظهور نتيجتها في امتحان دبلوم الزراعة التي انتهت منه من أسبوع، وحدد أبيها بعدها زفافها.
كانت تعلم جيدًا أنها جميلة، لكن ما جعل جمالها يزيد هو شدة حيائها وطبعها الحامي الذي لم يجعلها تقبل من أحد أن يغازلها، لهذا طبلت بمن هام بها عشقًا وتقدم سريعًا خوفًا من تقديم الخطاب إليها بعد ظهور نتيجتها، فجهز داره ومهره الذي كان كبيرًا عن كل بنات البلد وقتها، وطلب من عمه الإسراع في عقد قرأنهم وزفافهم حتى يقطع على الجميع خط الرجعة في طلب الزواج منها.
واليوم سيأخذها أبيها وينزل إلى المركز كي يقوم بعمل شهادة تسنين حتى يتسنى له كتب كتابها، لأنها لم تبلغ بعد الثامنة عشر عامًا التي ستتمها بعد ثلاث شهور، وهو ما احتمل فاروق انتظارهم خوفًا من أن يتقدم لها من هو أحسن منه حسبًا ونسبًا، لهذا ضغط على عمه عويس حتى وافق على كتب الكتاب، ذلك بعد أن تدخلت زوجته وقالت له:
الجواز للبنات ستره، وده ابن عمها وأولى الناس بيها، ومن الآخر كده بنتك ريداه وموافقة عليها.
وافق الأب على مضض، ليس رفضًا لابن أخيه الراحل الموظف في بنك التسليف الزراعي والذي سيوفر لها حياة كريمة، لكن لأن فرحة هي ابنته الوحيدة والكبيرة على ثلاث من الفتيان أصغر منها عمرًا.
ابتسمت فرحة بزهو لنفسها سعيدة بحب أبيها ولهفة ابن عمها عليها كي تصبح زوجته.
ثم تنهدت براحة وهي تقيم مظهرها المتدين بعد أن ربطت ضفائرها في بعضهم البعض ولفت طرحتها على شعرها الحريري وارتدت فستانًا طويلًا يغطي كعب قدميها ولا يظهر منها شيء، وقالت محدثة نفسها بسعادة وتلقائية:
اه يا فرحة، والله انت خسارة في البلد دي، بس مش خسارة في فاروق سيد الرجالة اللي شاريني بالغالي.
رفعت يديها إلى السماء ودعت ربها برجاء:
يارب اجعلنا وش الخير عليه واسعدني بيه واسعده بيا واكتبلنا الخير مع بعض وارزقنا الخلف الصالح.
سمعتها أمها تدعي ربها فابتسمت وقالت:
اه يا مقرودة، بتدعي لفاروق وبتفكري في الخلف من دلوقتي؟ مستعجلة على إيه؟ اصبري لما تبقي حلاله وادعي براحتك.
تركت فرحة مرآتها التي لم تكن إلا جزءًا مكسورًا من مرآة عثرت عليها في فناء المدرسة ذات يوم فاخذت كي تزين وتري نفسها فيها كم تفعل كل الفتيات في سنه، ودنت من والدتها واحتضنتها بحب:
والله ما حكاية مستعجلة، بس هي كده الدعوة على بعضها، المهم ابويا جه من الغيط ولا لسه علشان نلحق ننزل المركز ونرجع قبل المغربية.
امسكتها والدتها من أذنها تحت الطرحة وقالت:
بتسالي علي ابوكي حب ولا استعجال؟ اخ منك يا بنت بطني، لولا عارفه ومتأكدة انك ملكيش في دلع البنات كنت قولت هتفوتي علي الجواز علشان تدلعي، لكنه مسؤولية كبيرة ان شاء الله هتقدري عليها.
ابعدت فرحة يد أمها عن أذنها وطبلتها قائلة بتودد:
والله ابدًا يا اما، لا استعجال ولا حاجة، بس عايزة اخف حملي من عليكم، فاروق عايش لوحده مع امه وماشاء الله قرشه حلو بيكفي ويزيد، وبويا لسه تلاته في رقبته غيري، ربنا يقدره عليهم، وفين وفين لما الست هانم بتطلبك منك تخدميه وترضيكي بقرشين بيسدو معانا.
صمتت أمها إلى قدرها ونزلت دمعة من عيناها وقالت:
علي عيني يا بنتي اجوزك وانت لسه صغيره، بس فعلًا المعايشة بقت صعبه واللي جاي مش بيكفي، واهو ربنا كريم غفير، العزبة بتاعت الهانم بعت لبوكي شكلت الست وصلت بالسلامه، لو كده من الفجرية هروح ليها واللي هتدهوني هكمل بيه شوارك متقلقيش، هو بس فاروق لو كان يصبر شهر كمان كنت خلصت جهازك.
ابتسمت فرحة ردًا على حب أمها وسعيها لان تأتي لها بكل ما يجعلها تتباهي امام زوجها وحماتها التي تعلم جيدًا انها لن تكون كأم لها لعدم رضاها عن زواج ابنها الموظف الميسور الحال ببنت فلاح اجري فقير رغم كونه عمه الوحيد وهي ابنة عمه.
لكن عشق وحب فاروق الجارف لها كان الحاسم بينهم ورضخت بالموافقة لكنها لا تنتظر منه خير.
كفكفت دموع أمها التي تبكي فراقها رغم فرحتها بها وتزويجها لمن سيقدرها حق قدرها وقالت:
ياست الكل كفاية انكم ربتوني وعلمتوني، هو كان يطول؟ وكمان متقلقيش عليا من سلفتك ست اخوات، انا هراضي ربنا فيها علشان خاطر جوزي حتي لو زعلتني، يكفيني فاروق يرضيني.
واخذت تمازحها إلى أن جعلتها تضحك بمرح، أكملت:
متقلقيش عليا يا ست الكل، فرحة تربية ايدك وتعرف في الاصول كويس، واوعدك اشرفك حتي لو من غير شوار، فاروق شاريني وعمره ما هيبخل عليا.
تنهدت أمها وهي تزيد من صمتها إلى قدرها وقالت:
عارفه، وده مطمن قلبي، فاروق راجل وشاريكي بعمره، ولو علي حفاتك ست اخوات ربنا هيهديها عليكي باذن الله اول ما تشيلي حفيدها، انا عارفها، فوت جوزها وهي صغيره وتربيتها فاروق لوحدها مخليها شيفاه ابنها وجوزها، مفيش غير حفيد يفرح قلبها، هو اللي هيهدي روحها منك، لانها شايفه انك خطفتي ابنها منها.
ضحكت فرحة وغمزة لامها بشقاوة:
انا فعلًا خطفته بحق ربنا، بس بالاصول، واظن ابويا وافق رغم ان كتير من الخطاب اتقدمولي، بس القلب وما يريد، يا زوزو انت يا مسكره.
قرصتها أمها برفق من خد بمزاح:
الظاهر يابت انا دلعتك اوي، ايه زوزو دم، ا سمعك ابوك كان قطم رقبتك.
سمع الاثنين ضحكت ابيها ورد عليهم قائلًا:
اقطم رقبتها علشان بتدلعك، والله عيب يا زينب، دي حتي بنتك بقت ضيفه عندنا، زي النهاردة هتكون منورة بيت جوزه ومشرفنا كلنا، ولا ايه يا ست البنات.
تركت فرحة حصن امها وذهبت الي ابيها وطبلت يده:
والله يا با انا ما ليا غيركم ادلع عليكم، وزي ما قولت كلها ايام وهكون في بيت رجلي، مش عارفه هتحمل بعدى عنكم ازاي، وهدلع علي مين بعدكم؟ علي حماتي ولا جوزي اللي اكيد هيخاف علي زعل امه؟ المهم انت ايه اخرك يابا كده؟ مش احنا هننزل المركز زي ماقلت ولا هتخليها بكرة؟
طبل عويس راس ابنته وصمها إلى قدره بحنان:
لا مش هننزل المركز، هنسافر لمصد، ابن عمك جهز لينا الركوبه، يلا جهزي نفسك.
تهللت اسارير فرحة بسعادة وعدم تصديق وقالت:
مصر بجد يابا؟ هننزل مصر؟ يافرحة قلبي، اخيرًا هشوف مصر واهل مصر.
ضحك ابيها من تطالعتها للسفر وهز راسه بالايجاب، فسالته امها بحيرة:
ليه مصر يا عويس؟ مش كنت وفرة غرامة السفر والشحططه وروحت المركز خلصت ليها الشهادة؟ ولا رفضو؟ وقولي الست هانم كانت عايزاك في ايه؟
