عشق رحيم ايمى نور

في إحدى محافظات مصر تحديدًا، إحدى قراها التي تتميز بطيبة أهلها وجمال طبيعتها، داخل قصر الشرقاوي الذي يخص أكبر عائلات المحافظة.

دخل حمزة لإحدى الغرف بعد أن طرق الباب دون أن يجد استجابة ممن داخلها، وجد أخيه الأكبر يجلس فوق كرسي مكتبه يديره ظهره باتجاه الباب، وهو يظلم جميع أضواء الغرفة إلا من ضوء بسيط من إحدى المصابيح فوق مكتبه.

ارتسمت مشاعر الأسف فوق وجه حمزة وهو يجد أخيه في ذلك المنظر، ولكن ماذا في استطاعته أن يفعل بعد الذي حدث! أمام جميع أفراد العائلة يجد أنه له الحق فيما هو فيه، ولكن ما باليد حيلة، فما حدث قد حدث وليس بيدهم شيئًا لتغييره.

تنحنح حمزة وهو يغلق الباب، فانتبه له رحيم والتفت بالكرسي باتجاه الباب، رحيم وهو يمرر يده فوق وجهه:
ادخل يا حمزة تعال.

حمزة بنبرة حاول أن يدخل بها بعض المرح قال:
ايه يا كبير قاعد هنا ليه وسايب الدنيا برا ولعة.

رحيم بضحكة ساخرة، وقد ارتسمت علي ملامحه القسوة وقال:
لسه هتولع كمان وكمان.

حمزة بتوجس القلق:
تقصد ايه يا رحيم.

نهض رحيم من وراء مكتبه وهو ينظر إلى أخيه نظرة تخفي وراءها الكثير وقال:
ايه هعمل اللي هي طلبتها، أنا عودتها على كده، هي تطلب وأنا أنفذ لها اللي تطلبه أيًا كان اللي عايزاه.

اقترب حمزة من أخيه وهو يهتف باستنكار:
انت بتقول ايه يا رحيم، يعني ايه؟ انت عارف انها متقصدش، انت اكتر حد عارف سارة.

ضحك رحيم بصوت يرعب من يسمعه، وهو يلتفت لأخيه بعيون حمراء يشع منها الغضب الذي لو ترك له العنان لحرق الأخضر واليابس، فليس هناك من هو مثل رحيم الشرقاوي في غضبه، وقال:
ما هو علشان أنا اكتر حد عارفها، عارف انها تقصد، خصوصًا انها بقالها فترة بتطلب الطلب ده مني، وأنا كنت فاكر انها بتستفزني كعادتها، بس لا، مقدرتش عليا لوحدي، جمعت العيلة كلها علشان تحرجني قدام كل العيلة بطلبها ده، وتعرف الكل بالأسرار اللي بنا.

حمزة وهو يحاول تهدئته قال له:
بس يا رحيم، انت اكتر حد عارف طبعها، وعارف انها بتطلب الحاجة وتاني يوم تمل منها، وانت اللي عودتها على كده، حاول تعدي الأمور، وهي اكيد هتنسي الفكرة غير المتوقعة بتاعتها بكره الصبح وهتشوف.

تحرك رحيم لمكتبه مرة أخرى، واستند عليه بكفيه، ويخفض رأسه وهو يقول:
لا يا حمزة، بعد اللي عملته النهارده، مالها عندي غير اللي طلبته بنفسها، يعني محدش له لوم عليا.

حمزة وهو يعلم إذا أخذ أخيه قرار لن يستطيع أحد يثنيه عن هذا القرار، وبصراحة هو يرى أنه معه الحق فيما سوف يفعله.

حمزة يقول باستسلام:
يعني خلاص هو ده قرارك.

رحيم بقسوة:
ما قولتلك، هي طلبت وأنا هنفذ اللي طلبته.

دخل حمزة إلى جناحه الذي يقطن فيه هو وزوجته وطفلهم البالغ من العمر سنة ونصف، وهو يشعر بإرهاق اليوم كله يجتمع في جسده، وياله من يوم، فمازال ما حدث من زوجة أخيه علي ايه.

تحرك حمزة بإرهاق باتجاه السرير وجلس عليه، يرفع أنظاره إليها، ناوي على اللي هي طلبته وهينفذه ليها، صرخت ندي بذهول:
بتقول ايه؟ يعني ايه ينفذ اللي طلبته؟ هو ما صدق ولا ايه.

نهض حمزة بعنف عن السرير وهو يتوجه إليها ويمسك بذراعيها بخشونة:
وطى صوتك، الولد يصحى، وبعدين مستغربة ليه؟ ما انتي دايما بتقولي الأشعار في حب رحيم لسارة وانه مش بآخر لها طلب، اشمعنا المرة دي.

ارتبكت ندي وهي تتلعثم في الكلام:
اص… ااا…. يعن….. ماهو مش كل طلب تطلبه الست من جوزها يعمله ليها.

حمزة بغضب:
ومش كل ست بتطلب من جوزها انه يتجوز عليها وأدام أهله كلهم.

تلعثمت ندي بالكلام وهي تحاول الدفاع عن صديقتها:
ما انت عارف هي عوزاه يخلف، وخصوصًا انهم متجوزين معانا من 3 سنين ولسه ربنا مكتبش ليهم بالأولاد.

ضحك حمزة بغضب وهو يترك ذراعيها ويتحرك بعيدًا عنها وهو يقول:
ندي لامتى هتكوني زي البغبغان بيردد كلام سارة من غير ما يفهم.

ندي بغضب:
تقصد ايه اني ما بفهمش واني….. قاطع حمزة كلامها ببرود يخفي تحته الكثير من الغضب:
لا يا حبيبتي مقصدش، بس انتي فاهمة انك بترددي كلام سارة، وانتي عارفة ومتأكدة انه مش صح، وأظن العيلة كلها عرفت ده النهاردة.

سكتت ندي بارتباك وهي تنظر لحمزة بحزن:
فهذه بتتكلمي عن سارة كأن موضوع الأطفال ده غصب عنها، مع انك عارفة انه بمزاجها قررت انها متخلفش من أخويا، فاهمة يعني ايه ده بالنسبة لأي حد.

فعلا صعبة أوووى، إزاي أنا مفكرتش بالأمور من ناحية رحيم؟ يمكن علشان رحيم دايما شديد ومفيش أي حاجة بتقدر تهز شخصيته، فمتخيلتش انه ممكن ينجرح زينا، لم يشعر حمزة بذراعيه وهي تشتد حول ندي من مشاعر الغضب التي تستعير بداخله وهو يتذكر ما حدث اليوم.

يتذكر سارة وهي تقف أمام العائلة كلها تعلن بكل برود وثقة عدم نيتها الإنجاب من رحيم.

وأنها بتسمح له أن يتزوج غيرها، وقتها لولا انه استطاع إمساك أخيه بعد كلامها لكان رحيم قد آذاها من شدة غضبه، وقتها قال حمزة:
اسمعيني يا ندي، اللي قرره رحيم هو القرار الصح، اللي عملته سارة النهاردة كسر شيء في رحيم، مش ممكن الأيام تصلحه، يمكن رحيم بيحبها بجنون، بس زي ما رحيم بيحب بجنون بيكره برضه بجنون، وده اللي سارة ما تعرفوش عن رحيم، وهي بدأت تشوف الوش التاني لرحيم اللي ما تمناش لألد أعدائي انه يشوفه.

بعد مرور أسبوع

سارة في جناحها تزرع الأرض ذهابًا وإيابًا، فمنذ أسبوع وهي علي هذا الحال تنتظره.