وصلت شوشو عند بيت خالد، وفضلت منتظرة في العربية تفكر: هل تذهب مكان ما جاءت أم تنزل؟ فضلت فترة في هذا الصراع اللي حسمت أمره ونزلت، ودخلت العمارة بخطوات مرتبكة، فكان جوها إحساس إن المفروض ما تعملش كده، بس قالت إنهم أصحاب وده عادي. وركبت المصعد وخرجت منه، ورنت رنة صغيرة واستنت شوية، وجاءت تمشي، وجدت خالد يفتح الباب، أول ما شافها: إيه ده يا شوشو؟ انت كنتي ماشية؟
شوشو بارتباك: أبدًا، أنا جيت بس علشان ما تزعلش، وأقولك كل سنة وانت طيب، وهمشي على طول.
خالد وهو يرسم الزعل: طب ادخلي اشربي حاجة، وبعدين الشلة كلموني وقالوا جايين في الطريق.
شوشو كانت مترددة، لكن خالد لم يسمح لها بالنزول وأخذها على جوه.
خالد: ادخلي.
دخلت شوشو وهي مترددة، وخالد خلفها.
خالد: تحبي نقعد فين؟
شوشو بخوف بتحاول تداريه: أي مكان.
شار لها على صالون: هنا كويس.
شوشو اكتفت بهز رأسها دليل على الموافقة، ولحظت إن مفيش أي مظاهر للاحتفال، فاستغربت: إيه ده؟ هو مفيش حفلة؟ ولا أنا جيت بدري؟
خالد: لا فيه، ولو قصدك علشان مفيش زينة، أنا كبرت على الكلام ده. والجاتوه فالاستاذ عمر المفروض يستلموه من بدري، بس هو اتأخر.
شوشو اكتفت بابتسامة.
خالد: ادخلي أعملك عصير.
شوشو: مفيش داعي، نستنى لما الشلة توصل.
خالد: عادي، نشرب دلوقتي ونشرب تاني لما يجوا.
دخل خالد المطبخ يحضر العصير، ووضع شيئًا في كوب عائشة، وضحك: علشان تعرفي ترفضي حبي ليكي.
خرج ومعاه اتنين كوب عصير، وقدم واحد لشوشو، اخدته منه وضعته أمامها على الترابيزة.
خالد: اشربي يا شوشو.
مدت أيديها وأخذت الكوب وتناولت منه رشفة، ومع كل رشفة كان خالد يبتسم، وتركت نصف العصير في الكوب.
شوشو حسّت بتشوش الرؤية حولها، فأخذت تفرك بعينيها: إيه ده؟ مالي؟
خالد ابتسم وقرب منها: مالك؟ في إيه؟
شوشو وهي بتحاول تقوم: معرفش، حصل إيه.
خالد وهو يقوم باسنادها: حصل إنك رفضتي خالد، وده اللي مقدرتش واحدة تعمله.
شوشو وهي بتحاول تبعده: انت أكيد مجنون.
خالد: مجنون بيكي، وانت سبتيني علشان حتة الواد اللي كان معاكي في الحفلة، وكمان شكلك مقضيها معه، ولا حلال ليه وحرام عليه.
شوشو كل ده بتحاول تستجمع قدرتها، لكن فجأة سقطت. فهجم عليها.
لكن فجأة جرس الباب بيرن جامد. خالد وهو بيبص عليها: ثواني وأشوف مين، وراجعلك يا جميل.
أول ما فتح الباب كانت فريدة أسرع، وأبعدته عن الطريق. ودخلت جري تدور بعينيها على شوشو، لحد ما لقتها واقعة على الكنبة وهدومها متبهدلة. جريت عليها حاولت تفوقها، لكن من غير فايدة، وحاولت تسندها بس مقدرتش، وبدأت ترفع فيها كل ما تقوم تقع، لحد ما وصلت لباب الشقة، وهنا كانت صدمتها لما شافت أسر ادامها وعينيه مبرقة من الصدمة.
فريدة بصدمة: باشمهندس أسر، انت جيت ازاي؟
أسر بلهفة: مش وقته، هي مالها شوشو؟
فريدة وهي بتبص على خالد المرمي على الأرض: شكله الحيوان ده أعطاها حاجة، متقلقش، هنروح على مستشفى وهناك هتفوق.
أسر شال شوشو ونزل بيها تحت على عربيته، وحطها في الكنبة اللي ورا وسندتها فريدة.
أسر قفل الباب، وراح تاني ناحية العمارة وطلع فوق، لقى لسه خالد مرمي على الأرض. أبعد خالد عن الطريق، ودخل يدور في الشقة كلها، لحد ما وصل إن الحيوان ده كان حاطط كاميرا في أوضة النوم، أخدها ونزل بيها على تحت.
فريدة شافت منظره وعنينه اللي بتطق شرار: باشمهندس أسر، حضرتك عملت إيه؟
أسر: متخافيش، أنا كنت بجيب ده.
فريدة باستغراب: إيه ده؟
أسر: ده كاميرا كان حاططها الحيوان في أوضة النوم علشان يصورها.
فريدة وأسر في نفس الوقت: عرفت منين؟
فريدة: مش وقته، المهم نلحق شوشو.
ساق أسر بسرعة جنونية، وفي دماغه تخيلات كتير: لو فريدة مكنتش لحقتها كان حصل إيه؟ أول ما وصل، ضرب بيده على الدركسون جامد.
وصل المستشفى، شالها أسر وجرى بيها، وجريت وراه فريدة.
دخلها على الأوضة، ونادى على الدكتور، وصل وطلب من الكل يخرج، بس فريدة أصرت تفضل معاها، وبعد ما عرفته على إنها ممرضة.
خرج أسر وأخذ الطرقة ذهابًا وإيابًا، لحد ما خرج الدكتور، جرى عليه أسر: خير يا دكتور؟
الدكتور: الحمد لله، هي بس تحت تأثير المادة اللي أخدتها، مش هتفوق منها غير على الصبح. عن إذنكم.
أسر بص ناحية فريدة، حست من نظرة عنينه إنه قلقان، فطمنته: على فكرة هي مفيهاش حاجة خلاص، هي بس تحت تأثير المادة، وأنا كنت عارفة بكده، بس حبيت أطمنك مش أكتر.
أسر أخيرًا أطلق تنهيدة بمعنى الراحة، وبعدها وجه كلامه لفريدة: انتي ازاي عرفتي؟
فريدة: أنا اللي كنت عايزة أسألك نفس السؤال.
أسر: أبدًا، أنا كنت جاي الفيلا، وبعدين شوفتها خارجة، وكانت كأنها مترددة، وفتحت العربية وقعدت مدة لحد ما أخدت قرار وتحركت، وبعدها شوفتك انت كمان بتاخدي تاكسي وراها، حسيت إن فيه حاجة. واللي حصل إنك لقيتيني وانت خرجت وراها ليه؟
فريدة: أبدًا، أنا كنت طالعة ليها أوضتها علشان كنت عايزة أتكلم معها، وقبل ما أخبط سمعت كلامها مع اللي اسمه خالد، وبعدها نزلت وقالت لبابها إنها رايحة عيد ميلاد في نادي، فحسيت إن فيه حاجة غلط، فقررت أروح وراها وبس.
أسر: الحمد لله إنك عملتي كده. بس فيه مشكلة، هي هتبات هنا، ومراد بيه؟
فريدة: متقلقش، مراد بياخد الدواء وبينام، لأن الدواء بيعمل هدوء. فأنا هستنى معاها لحد ما تفوق، وبعد كده نرجع. المهم انت امشي.
أسر بنفي: مستحيل أمشي قبل ما أطمن عليها.
فريدة استغربت: باشمهندس أسر، حضرتك بتحبها؟
أسر استغرب من جرأة السؤال.
فريدة: أنا آسفة إني أدخلت في حاجة زي كده، بس أصل اللهفة اللي في عينيك ملهاش تفسير غير كده.
أسر: لا أبدًا، أنا هرد عليك. أنا مش بحبها، بس أنا بعشقها، بس للأسف.
فريدة: للأسف إيه؟
أسر بحزن: قلبها مشغول بغيري.
فريدة: مين قالك كده؟ شوشو بتحبك.
أسر نظر ليها نظرة طويلة بيستفهم منها: عرفتي ازاي؟
فريدة: اللي بيحب بيبان عليه أوي، وخصوصًا لو دخل عند شخص اللي بيحبه. أنا مش عارفة ملاحظتش ازاي يا باشمهندس؟ قالت تلك الكلمات وهي تبتسم.
أسر: كنت مفكر كده، بس في واحدة صحبتها قالت إنها بتحب شخص تاني.
فريدة: متأكد من الشخص ده؟
أسر سرح بتفكيره في محاولات كريستينا في البيت.
فريدة بصت ناحيته ولاحظت شروده: طالما سرحت، يبقى مش متأكد. خدها نصيحة مني، اتكلموا مع بعض. أنا هدخل أطمن على شوشو.
وسابته ودخلت.
بدأ ضوء الشمس يتسلسل إلى الغرفة، وبدأت شوشو تفتح عيونها في محاولة منها لاكتشاف أين هي. وحاولت تقوم، بس حست بصداع رهيب، وشافت فريدة نائمة على الكرسي.
