كوثر وهي تقوم معه: استنى، خدني معاك.
تبقى كل من توحيدة وزينات وسعاد وزعت فريدة النظر ما بينهم: أنا عايزة أفهم في إيه.
زينات: أنا هقوم أشوف الحفلة.
فريدة جلست في النص بين توحيدة وسعاد: مفيش هروب، أنا لازم أفهم.
توحيدة: بصي يا فريدة، الحقيقة أنا معرفش حاجة.
فريدة التفتت إلى سعاد: هتقوليلي انتي يا ماما؟ لكن لم تجد سعاد، فأثناء محادثة فريدة لتوحيدة قررت سعاد إنها تهرب من فريدة وراحت ناحية كوثر وكمال: انت إيه يا كمال، لسانك ده فالت.
كمال: ما أنا قلتلك بلاش، ما سمعتوش كلامي.
كوثر: احنا غلطانين إننا قولنا ليك.
سعاد: ما احنا كان لازم نقولوا، علشان مراد يطلبها منه، بس ما كنش بنحسب هيطلع كده.
كوثر: وماله كده يا سعاد؟ هو من فرحته بس.
سعاد بغضب ونفخت: استغفر الله العظيم، ما انت من شوية كنتي بتغلطي، دلوقتي عادي؟ أنا همشي أحسن، ما تضعيش يعلى.
وتركتهم ومشيت، وأخذت تدور على مراد حتى ينقذهم من هذا الموقف، حتى وجدته: أستاذ مراد.
مراد بابتسامة: أيوة يا ماما سعاد، اسمحلي أقولك كده.
سعاد بادلته الابتسامة: طبعًا. وأخبرته بكلام كمال.
مراد: متقلقيش، أنا هتصرف.
واستأذن وذهب لفريدة.
أما شوشو فكانت ملكية بفستانها الأحمر اللي كان يشبه فستان سندريلا، وأول ما أسر شافها مقدرش يمنع عينيه منها، جرى عليها: احم، ازيك يا شوشو.
شوشو وقد أربكتها نظرة عينيه: كويسة.
أسر: انت واقفة لوحدك ليه؟
شوشو: انت عارف إني مش عارفة حد، وبعدين أنا مستنية أصحابي.
أسر: أصحابك مين دول؟
شوشو وهي بتشاور لمجموعة من الشباب والبنات، شاورت ليهم شوشو بايديها.
جرى عليها البنات رنا ورانيا: إيه الجمال ده يا شوشو؟
وصل حازم وعمر وخالد. حازم وهو بيصفر: لا، أنا مش أد الجمال الإنجليزي ده.
شوشو هنا ابتسمت برقة.
حازم وجد من بيضربه بكوع: احنا هنا يا أستاذ.
حازم: حبيبتي يا رينو، أنا أقدر؟ دي مجاملة بس علشان احنا في بيتهم.
شوشو لم تتمالك نفسها من الضحك على منظر حازم وهو خايف من رنا.
خالد قرب من شوشو وأخذ يديها في قبلة رقيقة.
وهنا أسر لم يتمالك نفسه، فأمسك يد شوشو بهدوء.
شوشو: انت ازاي تسمح لنفسك تمسكني كده وأنا واقفة مع صحابي؟
أسر بوجه غاضب: يهمك أوي الواد الملزق ده اللي محسسني إنه خارج من فيلم عربي قديم بيبوس الإيد؟
شوشو وهي بتحاول تداري ضحكاتها: انت غيران بقى؟ طبعًا، شاب بيفهم في الذوق.
أسر وهو بيقرب منها: هو علشان باس إيديك بقى بيفهم في ذوق؟
وقبل ما شوشو ترد، كان أسر أخذها في حضن هادئ، عبّر فيه عن شوقه. حاولت تقاوم في الأول، لكنها استسلمت، وبعد لحظات أصبح الحضن أهدأ. ولم يبعد عنها إلا لما احتاجت تتنفس، وسند على جبينها.
أما شوشو فغمضت عينيها وكان وشها يكسوه الاحمرار. فاقت على صوت أسر: ده عقابي لو حبيتي تلعبي معايا لعبة القط والفار.
وتركها ومشى. فتحت عيونها وجدته اختفى، دبدبة برجلها زي الأطفال: ماشي يا أسر، بس أنا ازاي استسلمت كده؟ وأخذت تحسس على شفايفها مكان الحضن، ابتسمت وقررت تروح تظبط نفسها لعلها تهدى.
ولم تكن تعلم بمن يراقبها وقلبه يغلي، وتوعد بأن يحطمها.
أما مراد فظل يدور على فريدة، وهي أيضًا حتى وجدوا بعض.
هما الاثنين في نفس واحد: كنت بدور عليك.
ضحكوا سوا.
مراد: إيه؟ وحشتك؟
فريدة: مراد، ممكن نتكلم جد؟
مراد: رد عليا الأول.
فريدة بخجل: آه.
مراد: هو إيه اللي عايز أسمعه؟
فريدة بخجل أكثر: وحشتني.
مراد: ياه سلام.
فريدة: ممكن نتكلم جد شوية؟
مراد: طبعًا، اتفضلي.
فريدة: إيه المفاجأة اللي انت محضرها؟ وأوعى تكون اللي في بالي.
مراد: هو إيه اللي في بالك؟
فريدة بزعل: مراد، انت عارف إيه اللي في بالي.
مراد: طب لا، ليه؟
فريدة: علشان لسه شوشو مش متقبلاني.
مراد: ما أنا لو عملت كده هتتقبلك.
فريدة: بالعكس، هتحس إنك فرضت عليها حاجة.
مراد: لحد امتى بس؟
فريدة: هانت، اصبر شوية كمان.
مراد: هصبر، بس مش كتير. وقرب منها: مش قادر، نفسي أقول للدنيا كلها هي دي حبيبتي.
فريدة بخجل: وأنا كمان نفسي في كده.
مراد: طب إيه اللي يمنع؟
فريدة: الصبر. وبعدين يلا روح لضيوفك.
أما في الحفلة، رجع خالد لأصدقائه وهو يحاول يداري غضبه.
عمر: روحت فين يا بني؟
خالد بشرود: كان معايا تليفون مهم.
حازم: مالك راجع وشك مقلوب؟
خالد: مفيش، عندي مشكلة ولازم أمشي.
رنا: بس كده شوشو تزعل.
خالد لنفسه: تزعل؟ هي مش حاسة أصلًا. سلام.
مشى خالد تحت نظراتهم واستغرابهم.
رجعت شوشو تاني واستغربت عدم وجود خالد: هو خالد راح فين يا جماعة؟
حازم: تقريبًا جاله تليفون وبعدها مشى.
شوشو: لوحده كده؟
مراد طلب من الدي جي إنه يوقف الصوت، واخد المايك وشاور لكل العائلة يقفوا حواليه.
مراد: طبعًا أنا سعيد جدًا إنكم شرفتوني في بيتي. طبعًا فيكم اللي يعرفني، وفيكم اللي ما يعرفنيش. أنا مراد الحناوي، صاحب شركات الحناوي. أنا الحقيقة رجعت مصر من فترة، بس أول ما وصلت عملت حادثة، وطبعًا فضلت فترة أتعالج لحد ما قدرت أقف على رجلي من تاني. بس ما كنتش لوحدي، طول الفترة دي كان جمبي كل عائلتي، أولهم طبعًا زينات هانم عمتي، اللي بشكرها جدًا على دعمها ليا. وكمان حاجة تانية هقولكم عليها.
وفي هذه اللحظة كانت عينيه على فريدة.
