خالد بحزن: أفهم من كده إن في حد شاغل قلبك؟
شوشو: مش قصدي.
خالد بفرح: يعني أفهم من كده إن في أمل، بس محتاجة وقت؟
جاءت تعترض شوشو، بس خالد لم يعطيها فرصة: أنا موافق، خدي الوقت اللي يعجبك، وأنا مش مستعجل. يلا علشان نروح نقعد معاهم.
مشيت معه وهي غير مستوعبة، فهي أعطت له أملًا في شيء أمره منتهي، فقلبها ملك شخص واحد، وللأسف هذا الشخص غير أهل للثقة.
استمر الوضع كالآتي: خالد بيحاول بكل الطرق يقرب من شوشو.
أما مراد وفريدة فحبهم لبعض بيزيد كل يوم أكتر من اللي قبله. أما حالته الصحية فتم استعادة صحته وترك الكرسي وبدأ يتحرك بمشاية، وطلب من فريدة عدم إخبار أحد بحالته، فهو يريد أن يعملها مفاجأة لهم يوم الحفلة، وخصوصًا بعد ما هاتف حسن له وأخبره بنجاح حالته في تجميد الورم وأنه قريب هيرجع مصر.
أما أسر فنظم للعمل مع إكرام في الشركة بعد ما حصل دمج بين شركة والده وشركة مراد وكبروا الشركة.
أما شوشو فكانت تتجنب رؤية أسر بعد موقف الجنينه.
ظل الوضع هكذا قرابة الشهرين.
وبعد مرور شهرين، وفي صباح يوم جديد مليء بالمفاجآت، رن جرس فيلا مراد، ففتحت نعمة الخدامة الباب فوجدت أمامها أسر.
أسر: صباح الخير.
نعمة: صباح النور، اتفضل يا باشمهندس.
دخل أسر ومعه والده ووالدته.
خرج مراد بعد ما بلغته نعمة بحضور أسر، فاتفاجأ بوجود صديق دربه حسن.
أول ما شافوا حسن جرى عليه واخدوه بالحضن: وحشتني أوي يا صاحبي.
مراد بدموع: انت أكتر يا حسن. طمني عليك.
حسن: أنا كويس، المهم انت.
مراد: أنا كويس، وبقيت كويس أكتر لما شوفتك.
كانت فريدة تتابع الموقف، وبداخلها سعادة أن حبيبها أخيرًا شاف السعادة في عنينيه.
حنان وهي تمسح دموعها: ممكن تديني فرصة يا حسن أسلم على مراد؟ ولا انت مش عايز تسلم عليا يا مراد؟
مراد: لا، ازاي؟ حمد لله على سلامتك يا حنان.
حنان وهي تمد يديها له: الله يسلمك.
أسر متدخل في الكلام: بابا أصر يجي من المطار على هنا، كان عايز يشوف حضرتك الأول.
حسن: طبعًا، كنت لازم أجي أشوفك الأول. كفاية إني مقدرتش أكون جمبك بعد الحادثة، بس الدكاترة منعوني.
مراد: عارف، ولو كنت نزلت كنت هزعل منك.
حنان: صدقني أنا قلت كده.
حسن: إيه يا عم؟ هو انتو مش هتفطروا؟
مراد بص ناحية فريدة: من فضلك خليهم يجهزوا فطار.
فريدة بابتسامة: أنا بنفسي هحضره. حمد لله على سلامتك يا أستاذ حسن.
حسن: الله يسلمك.
دخلت فريدة المطبخ تحت نظرات مراد اللي كلها حب، وده لاحظه حسن وحنان وأسر اللي كان شكه اتأكد.
وبعد شوية فريدة طلبت منهم إنهم يخرجوا في الجنينه لأنها حضرت الفطار هناك، وخرجت سميحة عند علمها بقدومهم للسلام عليهم والترحيب بيهم.
مراد: طلب من سميحة إنها تصحي شوشو علشان تفطر معاهم، بس من غير ما تبلغها بحاجة.
وفعلًا نزلت شوشو مع سميحة على الجنينه، واتفاجئت بضيوف، بس كان النصيب الأكبر من المفاجأة من جهة حنان، اللي أول ما شافتها جريت عليها تاخدها في حضنها، لأنها شافت سلوى، لأن عائشة نسخة من سلوى.
شوشو واقفة مكانها مش عارفة ليه اللي بيحصل ده، فجأة لقيت واحدة بتحضنها وبتعيط وبتتكلم كلام مش مفهوم.
حنان بدموع: معقول أنا شايفة سلوى ادامي؟ نفس الملامح. معقول ده انتي؟ طبعًا مش عارفة أنا مين.
شوشو بصتلها بمعنى: آه.
حنان: أنا أبقى خالتك.
شوشو برقت من الصدمة: خخ خالتي؟ ازاي؟
حنان: تعالى اقعدي وأنا أفهمك.
كان أسر لا يقل عن نفس صدمة شوشو.
حنان: أنا يا ستي أبقى بنت خالة مامتك، وكمان مامت أسر.
شوشو: طب كنتي فين السنين ده كلها؟
حنان: ظروف، بس أوعدك من النهاردة إني مش هسيبك.
شوشو مازالت مصدومة: أنا عايزة أعرف كنتي فين السنين ده كلها.
مراد: أنا كنت مانعهم عنك.
الكل اتفاجأ بكلام مراد.
شوشو: ليه؟
مراد: ليه؟ علشان أنا كنت شريك حسن، وحصلت مشكلة بينا، وطلبت من والدتك إنها تقطع علاقتها بيهم، مع إنهم حاولوا كتير.
حنان بصت لمراد بصه معناها: انك انسان عظيم.
فطروا كلهم تحت جو من التوتر في الأول، وبعدها الدنيا هديت.
حسن لاحظ نظرات ابنه لعائشة وفرح، وشاف نظرات مراد لفريدة، حس إن أخيرًا صحبه عرف الحب.
وبعد شوية استأذنوا وراحوا على فيلتهم.
وشوشو انتهزت الفرصة وراحت النادي.
أما في فيلا حسن.
أول ما دخلوا: أسر: أنا عايز أفهم ازاي ما قولتوش إن أونكل مراد قريبكم؟
حسن: كان في مشاكل.
أسر: عايز أفهم الموضوع كله.
حنان: أسر يا حبيبي، مش وقته، احنا محتاجين نرتاح.
أسر: تمام.
ساعدت حنان حسن وطلعوا أوضتهم.
حنان: أنا كل يوم بتأكد إني ظلمت مراد.
حسن: قلتلك زمان.
حنان: تفتكر هيسامحني؟
حسن: إن شاء الله.
وبعد مرور أسبوعين، كانت تقام الحفلة اللي وعد بيها مراد وعزم كل العاملين في الشركة، وكانت مفاجأة للكل بخروج مراد متكئًا على العصا بدون كرسي متحرك، وطبعًا بجانبه فريدة، وكانت فرحة للكل، وخصوصًا شوشو اللي أول ما شافته جريت عليه وحضنته.
أما فريدة فانسحبت بهدوء لتترك فرصة تهنئة مراد بسلامته، لتتفاجأ بشيء.
بعدت فريدة عن مراد حتى تتيح الفرصة لباقي أفراد العائلة والعاملين لتهنئة مراد، وذهبت تتمشى في الجنينه لتتفاجأ بالحاجة توحيدة وبابا كمال وماما سعاد وماما كوثر يقتربون منها. لم تصدق نفسها، هل من المعقول إنهم هنا؟ تراهم.
فريدة جريت عليهم كلهم: معقول أنا شايفة صح؟ ودموع الفرح على خدها: انتو هنا بجد؟ وحشتوني. بس ازاي؟
ازاي ده؟ بتعتي أنا. كان هذا صوت مراد: أنا اللي جبتهم علشانك. وكمل بضحكة: وكمان علشان أشوف بابا كمال، اللي بيشاركني في قلبك.
فريدة لفت ناحيته وعيونها كلها دموع فرح، وفيها سؤال: ازاي قدرت تفهم مدى شوقي ليهم؟
مراد جاوب بعينيه وشاور على قلبه: ده بيحس بيكي. وحس اد إيه هما وحشينك. حسيبك معاهم، ومش عايز أوصيكي إن ده بيتك. تركها مراد لكي تنعم مع من يحبهم قلبها.
جريت فريدة على حضن توحيدة: أنا فرحانة إني شوفتك يا خالتي، انتي كنتي وحشاني أوي.
توحيدة وهي تربت على ضهرها بحنان: انتي أكتر يا بنتي. أنا ما صدقتش لما أستاذ مراد بعت ليه حد من طرفه ويبلغنا إننا هنشوفك، وفي الأول ما صدقتش، بس هو طلب ليه أستاذ مراد، هحكيلك عن حكاية الشقة بتاعتكم ومواضيع تانية، ساعتها اتأكدت إنه من طرفك.
فريدة تركت حضنها لتقوم باحتضان كوثر وسعاد، فهم لهم نفس غلاوة توحيدة: وحشتوني أوي. انتي كمان زي خالتي توحيدة. حد راح عندكم الدار؟
هو أنا مش مليه عينيكي؟ كان هذا صوت زينات.
فريدة تركتهم وذهبت ليها ترحب بيها، فهي لم ترها منذ بداية الحفلة، وكانت مستغربة لعدم وجودها: ازاي طبعًا.
زينات: يا ستي، كانت مهمتي اللي مراد كلفني بيها، وأنا كنت سعيدة جدًا بيها، وسعادتي زادت لما شوفت الفرحة في عنيكي.
واضح كده إني هوا، لدرجة إني محدش شافني لحد دلوقتي. كان هذا صوت كمال.
فريدة وهي بتحضنه: حد يقدر يقول كده على بابا كمال؟ بس انت عارف ليك سلام خصوصي.
كمال: طبعًا، علشان كده استنيتي لما مراد مشي. وغمز بعينيه.
فريدة اتكسفت ووشها احمر.
كمال كمل بضحكته: احنا هنبدأ الكسوف من دلوقتي؟ أومال لما يكمل باقي المفاجأة هيحصل إيه؟ حط ايديه على فمه عندما لاحظ نظرات الكل له بتحذير.
فريدة باستغراب: مفاجأة إيه يا بابا؟
كمال وهو بيبص يمين ويسار: تقريبًا في حد بيشاور لي، أنا جاي.
