شوشو: نظام إيه؟
رنا: انتي وخالد.
شوشو اتكسفت: عادي، صحاب.
رنا: انتي شايفة كده؟
شوشو: آه.
رنا: أنا حاسة إنه معجب بيكي. انتي إيه؟
شوشو: بصراحة أنا حاسة بكده، بس برده خايفة.
رنا: متقلقيش.
جاء عليهم خالد وبضحك قال: بتتكلموا عليا؟
رنا وهي بتقوم: ولا حاجة.
خالد: شوشو، إيه رأيك أخرج أنا وانتي لوحدينا؟
شوشو: ازاي يعني؟
خالد: بصراحة كده، أنا معجب بيكي.
شوشو اتفاجئت من جرأة خالد، وسابته ومشيت، وراحت على العربية تركبها.
علي: على فين آنسة عائشة؟
عائشة: على البيت.
فضلت عائشة سرحانة طول الطريق، وده خلى علي يسألها: مالك حضرتك؟
عائشة: مفيش.
علي: اسمحلي يعني، حضرتك كل يوم بتخرجي مبسوطة، النهاردة في حاجة حصلت؟ لو حد ضايق حضرتك قوليلي وأنا أتصرف.
عائشة ابتسمت: لا، متقلقش.
علي: تحت أمرك.
وصلت عائشة البيت ودخلت وطلعت على أوضتها من غير كلام، وفضلت يومين في البيت من غير خروج، والتزمت أوضتها.
وفي يوم نزلت تحت، واتفاجئت لما شافت أسر. أول ما شافته حست إن قلبها هيوقف من الفرحة، فضلت تبص عليه كأنها بتحفر ملامحه جوه قلبها، خايفة تكون بتحلم. وكذلك الحال عند أسر، وقف ادامها كأنه بيحفر ملامحها جواه، كانت وحشاه كل تفاصيلها. هما الاتنين وقفوا قصاد بعض وسرحوا في ملامح بعض، وفاقوا على صوت مراد وهو بيقول: مالكم يا ولاد واقفين كده ليه؟ مش هتسلموا على بعض؟
أسر ابتسم ومد إيديه: ازيك يا شوشو.
شوشو بابتسامة: الحمد لله.
مراد: واقفين ليه؟ اقعدوا يلا.
قعد أسر وشوشو قصاد بعض في صمت.
مراد: تعرفي يا شوشو إن أسر خلاص تقريبًا صفى كل شغله بره، وهيرجع يعيش في مصر هنا.
شوشو حسّت بفرحة كبيرة، فحبيبها هيفضل معها ولن يتركها أبدًا.
أسر: مش بالظبط كده يا مراد بيه، لسه في شوية أمور هناك هتتظبط، بس أغلب الوقت هنا.
شوشو وقفت مرة واحدة: عن إذنكم، أنا هطلع أغير علشان عندي ميعاد مع أصحابي في النادي.
أسر استغرب من رد فعلها غير المتوقع، فهو توقع فرحتها عندما تعلم أنه ينوي الرجوع نهائيًا لمصر والاستقرار فيها.
مراد: انتي مش هتتغدي معانا؟
شوشو وهي تقبل خد والدها: معلش يا دادي، أنا وعدت صحابي. وقبل ما تمشي لفت لأسر: حمد لله على سلامتك مرة تانية.
وطلعت على أوضتها. أول ما دخلت رمت نفسها على السرير وانفجرت في البكاء: ليه يا قلبي، كل ما تفرح يقسى عليك؟ لدرجة دي مش قادر على بعدها، علشان كده مش قادر يصفى شغله نهائيًا؟ بس نظرة الحب اللي شوفتها في عينيه، معقولة مزيفة؟ لا، وإحساسي إنه بيحبني كمان مزيف؟ يارب اعمل إيه؟ وخبطت بيديها على قلبها: انسى، طلعوه منك، هو مش لينا. ومسحت دموعها: أنا لازم أنساه وأعيش حياتي.
قامت راحت ناحية الدولاب وطلعت هدومها، وقررت تغير وتروح النادي.
وبعد شوية نزلت، كانوا قاعدين كلهم، راحت ناحية بابها: أنا خارجة.
مراد: طب كلمتي السواق؟
شوشو: لا، أنا خلاص عرفت الطريق وأعرف أروح لوحدي. عن إذنك.
مراد: طب ما تتأخريش.
شوشو: حاضر.
خرجت شوشو تحت نظرات أسر، فتحجج بأنه لابد من إجراء مكالمة تليفونية هامة.
كانت شوشو وصلت إلى سيارتها قبل ما تفتح باب السيارة، ووجدت من يمسكها من ذراعها بهدوء، فاتفاجئت شوشو بتصرف أسر.
شوشو: انت ازاي بتعمل كده؟
أسر: عملت إيه؟
شوشو وهي بتحاول تشد دراعها: انت ازاي تمسكني كده؟ انت عايز مني إيه؟
أسر بعد ما ترك أيديها: مالك يا عائشة؟ حاسة فيكي حاجة غريبة. شوفت في عينيكي نظرة حب وشوق، وفجأة اتحولت لغضب. كاد يقول هذه الكلمات وهو يقترب منها، فلم يعد بينهم إلا سنتيمترات، مما جعل قلب عائشة يدق وكاد أن يخرج من مكانه.
شوشو بتلعثم: على فكرة ما ينفعش كده.
أسر وقد لاحظ توترها فنظر لها بمكر: هو إيه اللي ما ينفعش؟
شوشو: اللي انت بتعمله ده.
أسر: على فكرة أنا لسه معملتش حاجة، وبس لو عايزاني أعمل أنا مستعد. قال كلمته دي وغمز بعينه.
شوشو وقد احمر وجهها لفهمها ما يقصده أسر، فاستدرجته ليقترب منها أكثر. وعندما اقترب أكثر منها، تحت سهام حبها ليه وشوقها، فجأة صفعته صفعة قوية على وجهه، وجريت من أمامه وركبت عربيته.
وقبل ما تتحرك قالت: ده علشان تعرف إني مش زي اللي تعرفهم انت.
ومشيت.
أما أسر فقد اتفاجئ بما فعلته تلك الحمقاء الصغيرة، وضع يده على خده مكان الصفعة، وتوعد لها، لكن ابتسم عندما افتكر الثواني اللي كان قريب منها ومدى اضطرابها من قربه، وسأل نفسه: تقصد إيه باللي أعرفهم؟
وعاود مرة أخرى إلى الداخل، وأقسم بداخله إنه يفوز بيها، لكن بعد إعادة ترويضها.
أما شوشو فبعد ما بعدت عن الفيلا وقفت تاخد نفسها، فهي غير مستوعبة إنها قامت بالفعل بضرب أسر. أخذت تضحك على منظره وهو بيقرب منها: فاكرني خلاص استسلمت وهيضحك عليا زي اللي بيعرفهم؟ بس ازاي وأنا شوفت في عينيه الصدق؟ بس ازاي وأنا سمعته وهو بيكلمها؟ لا، أكيد بيكذب عليا. أحسن إني عملت كده.
ودورت عربيتها وطلعت على النادي.
أما في الفيلا عند مراد، رجع أسر وهو مصدوم من تصرف شوشو.
مراد: أخبار حسن إيه؟
أسر: الحمد لله، إن شاء الله كلها شهرين ويرجع.
مراد: كويس، أصله وحشني أوي.
وهنا دخلت فريدة: الغداء جاهز.
مراد: يلا يا أسر.
وفي النادي، وصلت عائشة ووجدت الشلة في انتظارها، وألقت عليهم التحية.
رنا وهي تقوم باحضانها: كنتي فين يا بنتي؟ احنا قولنا إنك رجعتي لندن تاني.
شوشو: لا، لسه.
رانيا وهي بتزق رنا: اوعي كده، خليني أسلم عليها.
عمر وحازم: آه، كده تهربي مننا علشان ما تعزمناش على خروجة؟
شوشو بضحك: لا، متخافش، ليكم عندي عزومة.
خالد بدون كلام قام مرة واحدة وشد شوشو من ايديها تحت نظرات الكل.
شوشو وهي بتحاول تشد ايديها منه، وفي الآخر نجحت: ممكن أفهم انت ازاي تشدني ادامهم كده؟
خالد: تعالى بس نقعد.
شوشو: اتفضل.
قعدوا مع بعض.
شوشو: ادينا قعدنا، ممكن أفهم ليه اللي حصل، وكمان الشلة تقول علينا إيه؟
خالد: هفهمك. أما بالنسبة ليقولوا إيه، فهيقولوا واحدة وحبيبها عايزين يقعدوا لوحدهم.
شوشو: حبيبها؟
خالد: آه، حبيبها. انتي عارفة إني معجب بيكي، وكمان لما بعدتي اليومين اللي فاتوا اتأكدت إني بحبك.
شوشو اتصدمت من تصريح خالد: انت فاجأتني، وبعدين احنا لسه ما نعرفش بعض كويس علشان نصارح بعض بمشاعرنا.
