فريدة قامت من مكانها: شكرًا ليكي يا مدام زينات إنك اديتيني من وقتك وسمعتي حكايتي.
زينات: عيب عليكي يا فريدة، أنا من أول ما جيت الدار وبعتبرك زي بنتي، وأنا اللي حبيت أعرف حكايتك. مع السلامة يا فريدة، وأشوفك بكرة.
فريدة: سلام يا مدام زينات.
وفي وقتنا الحالي في فيلا مراد الحناوي بلندن، أما عائشة فسمعت كلام دادة سميحة ودخلت تاخد دش سخن وخرجت تقعد على السرير، وشوية والباب خبط.
ودخل مراد عليها: حبيبة بابا، عاملة إيه دلوقتي؟
شوشو وهي بتمط في شفايفها زي الأطفال: زعلانة من دادي.
مراد وهو بيقرب منها: وأنا علشان كده جيت أصالحك.
شوشو بفرحة: يعني خلاص لغيت فكرة السفر؟
مراد: انتي تعرف إن باباكي لما بيقول حاجة بيرجع فيها؟
شوشو هزت راسها بعلامة النفي.
مراد: يبقى ازاي لغيت السفر؟
شوشو: مش انت اللي قولت إنك جاي تصالحني؟
مراد: هو أنا علشان قولت كده أبقى هلغي فكرة السفر؟ وبعدين مش دادة سميحة فهمتك اللي في دماغك؟ شاور بايده على دماغها: غلط.
شوشو: هي دادة، محدش يقولها سر.
مراد ضحك على عفوية بنته: لا، وبعدين يا ستي احنا نازلين فترة، لو مرتحتيش أوعدك إني مش هغصب عليكي، تفضلي في مصر، ولو إني متأكد إنك هتحبيها.
شوشو باستعباط: هي مين دي؟
مراد وهو بيقرصها في ودانها: مصر يا شقية.
شوشو: اه اه، طب ممكن أفهم ليه دلوقتي أصريت إننا ننزل؟
مراد: أولًا أنا كان نفسي من زمان بس الشغل، ثانيًا شركة جدك بتنهار في السوق، لازم أنزل أظبط الشغل فيها.
شوشو باستغراب: شركة جدو؟ وهو احنا لينا شركة تانية؟
مراد: طبعًا، دي من أكبر الشركات في مصر، كان ماسكها واحد صاحبي، بس للأسف من فترة تعب والشغل حاله ادهور، وبعتولي فاكس لازم أرجع مصر. في أي أسئلة تانية يا المضه؟
شوشو: هو احنا لينا قرايب في مصر؟
مراد: آه، لينا عمتي.
شوشو: وحضرتك مكنش ليك أخوات غير عمو اللي مات؟
مراد اتنهد بحرقة: آه، الله يرحمه.
شوشو: هو ليه مفيش صور ليك مع عمو ده وهو مات وهو صغير؟
مراد وفي سرها فيه، بس مينفعش تشوفيها، مات وهو عريس.
شوشو: هه، يا دادي روحت فين؟
مراد: معاكي، بس أنا محتاج أرتاح، وواضح إنك مصحصحه عليا. روحي نامي يلا، تصبحي على خير.
خرج مراد من غرفة ابنته وهو يتذكر حالة منذ ذلك اليوم اللي غير مجرى حياته، ودخل أوضته وفتح الدولاب الخاص بيه وأخرج منه صندوق وفتحه وأخذ يتأمل الأشياء الموجودة فيه لحد ما راح في النوم وهو محتضن ذكرياته اللي داخل الصندوق.
أما أسر فخرج من البيت وهو باله مشغول على قطته، فمنذ أن رآها وهو يمتلكه شعور تجاهها بأنه مسئول عن حمايتها وإسعادها بالرغم من عنادها المتواصل، لكن إحساسه تجاهها قائم حتى قبل أن يراها، منذ أن سمع حكايتها ومواقفها مع والداها وهو تعلق بيها، وأقسم بداخله إنه سوف يأتي اليوم الذي تحمل هذه القطة اسمه ويقترن اسمها باسمه باقي عمره. كان في هذه الأثناء وصل بيته، وفاق من شروده على صوت تليفون، فكان المتصل والده، كان يريد الاطمئنان عليه وعلى حال شريكه، وأخبره أسر ما ينوي مراد على فعله ورجوعه المفاجئ لمصر. وقفل أسر مع والده وحاول ينام، بس جفاه النوم بسبب تفكيره في عائشة التي سلبت تفكيره.
أما والده حسن فحدث نفسه: ياترى يا مراد نازل ليه مصر… بعد السنين دي كلها… واللي حصل زمان مش خايف إنه يتعرف برجوعك؟
جاءت زوجته من خلفه: إيه يا حسن؟ انت بتكلم نفسك؟
حسن: لا يا حبيبتي، كنت بكلم أسر علشان أطمن منه على أحوال الشغل.
حنان: طب قفلت ليه معه بسرعة؟ كنت عايزة أكلمه.
حسن بشرود: كان تعبان وعايز ينام.
حنان بخضة: تعبان؟ ماله؟
حسن ومازال مسيطر عليه حالة الشرود: مرهق من الشغل، انت عارفه مراد الحناوي بيحب شغله أد إيه.
حنان: الحقيقة طول عمره حياته شغله وشوشو بس.
حسن: آه.
حنان: مالك يا حسن؟ حساك مش طبيعي، هو انت مخبي عليه حاجة؟
حسن وهو يقبل يد زوجته: لا يا حبيبتي.
في الفيلا عند مراد في لندن، أما مراد فتح عيونه لقى نفسه نايم وسط صور وزكريات عدى عليها سنين كتير، حضن الصور ونزلت من عينيه دمعة غصب عنه على أحلى زكريات وأحلى حياة كان ممكن يعيشها لولا غلطة حصلت غصب عنه. ضم إحدى صور له كأنه يريد أن يدخلها جوه قلبه، وبعد كده قام لم الصور تاني وحطها مكانهم وشال الصندوق في مكانه تاني، ودخل خد شاور وغير هدومه وخرج من أوضته راح على أوضة شوشو، خبط على الباب مرة والتانية ولما مفيش رد فتح الأوضة مالقاش حد، نزل على تحت شاف سميحة سألها: فين شوشو يا سميحة؟
قبل أن ترد اتفاجئ بشوشو: أنا هنا يا دادي.
مراد: كنت فين بدري كده؟
شوشو: أبدًا، كنت بلعب رياضة.
مراد: طب يلا نفطر علشان خلاص تقريبًا فاضل كام يوم وننزل مصر.
شوشو وقد تغيرت ملامحها لضيق، فلاحظ والدها: وبعدين يا شوشو، أنا وعدتك لو مرتحتيش هنرجع تاني، بس لازم أظبط الشغل هناك، تمام؟
وأومات شوشو براسها بعلامة الموافقة.
بدأوا في الفطار، وبعد ما خلصه ذهب مراد لشركته لمراجعة بعض الأمور الخاصة بالعمل.
أما شوشو فعملت اتصال لصديقتها كريستينا لتبلغها بقرار سفرهم.
شوشو: صباح الخير.
كريستينا: صباح النور، فينك؟
شوشو: موجودة، بس حصل حاجات كتير. وكملت بحزن: وبعدين عايزة أشوفك قبل السفر.
كريستينا: سفر مين؟
شوشو: أنا ودادي.
كريستينا: فين؟
شوشو: مصر، ويلا تعالى بسرعة وأنا أحكيلك.
قفلت شوشو مع كريستينا وقامت تحاول تحضر حاجاتها زي ما باباها طلب.
وصل مراد الشركة وطلب من مادلين إن أول ما أسر يوصل تدخله على طول، وكمان في اجتماع طارئ مع مديرين الشركة لكي يبلغهم بسفره وإن أسر هيكون مكانه.
وجاء أسر وعملوا الاجتماع وبلغهم بقراره بخصوص أسر وسفره، وطلب منهم يومين ويكون في تقرير شامل عن أعمالهم وطريقة شغلهم مع أسر.
أما أسر فكان باله مشغول بقطته الشرسة، فكيف لها أن تشغل باله وتسيطر على تفكيره؟ فهل يحبها فعلًا؟ لكن كيف ومتى وهو لم يراها إلا من يوم واحد؟ لكنه يعرفها جيدًا من كلام والداها عليها، فهو عاشقها قبل أن يراها. لكن هل هذا عشق حقيقي؟ أما هذا العشق سيختفي بمجرد بعدها؟ هذا ما سوف تكشفه الأيام القادمة.
