؟
حسني: ده حقكم بما يرضي الله.
فريدة بجدية برغم أن عمها صعبان عليها: حق إيه؟ فلوسك ده هتعوضنا عن أمنا وعن سنين الحرمان اللي عشناها بسببها؟ رد عليا.
حسني بحزن شديد: سامحوني، يمكن الفلوس دي مش هتعوضكم، بس هتريحكم عن الشقا، ووجه علشان يمشي.
فريدة وهي بتقفل الشنطة: خد، مش محتاجها.
وقبل ما تديها لحسني كانت يد علا وعلاء عليها بيشدوها منها: فريدة، دي حقنا وزي ما قال عمك.
حسني: اسمعي كلام أخواتك، وسامحيني يا بنتي. وسابهم وخرج.
فريدة بشر: انت اتجننتوا صح؟
علاء: اتجننا ليه؟ حقنا ورجع لينا، إيه المشكلة؟
فريدة بحزن على أخواتها اللي الطمع باين في عيونهم: حقنا؟ ونسيتوا أمكم اللي ماتت علشان مكنتش لاقية تمن العلاج؟ واحنا كانت عيشتنا ازاي؟
علا: انتي اللي قولتي إننا تعبنا.. جه الوقت اللي نستريح فيه ونعيش زي باقي الناس.
فريدة حست إنها مصدومة في أخواتها، معقول يكونوا نسوا بسرعة؟ ده المال عماهم. دخلت أوضة أمها تبكي على حالهم وافتكرت أمها وشقاها على ماكينة الخياطة.
أما عند علا وعلاء.
علاء: هنعمل إيه؟ فريدة ممكن تصمم إننا نرجع الفلوس.
علا: مستحيل ده يحصل، سيبني وأنا عندي الحل.
زينات بصت بحزن لفريدة وهي بتحكي، وكان باين عليها إنها معزولة عن الحاضر وشاردة في ذكرياتها، والوقت مر بالساعات وهي بتحكي.
زينات: فريدة، فريدة. صوتها نبرته بقت أعلى: فريدة.
فريدة فاقت من ذكرياتها: نعم يا مدام زينات.
زينات بحنية: قومي ريحي شوية، باين عليكي تعبتي.
فريدة هزت راسها بالنفي: لا أبدًا مش تعبت. وقالت بحزن: ده أنا مصدقت أحكي وأفضفض.
وفي وقتنا الحالي في فيلا مراد، أما عند مراد الحناوي فبعد ما ألقى قنبلة رجوعه لمصر، عائشة مازالت مصدومة من قرار أبوها المفاجئ، وهو كان دائمًا بيهدد لكن مفكرتش إن ده ممكن يحصل، وخصوصًا اللي بتسمعوا عن مصر من حوادث خطف وقتل واغتصاب.
بعد ما خلصوا غداء، طبعًا كانوا بياكلوا وكل واحد في دماغه حوار. مراد حزين على قسوته على ابنته، وفي نفس الوقت لازم يرجع لبلده وشغله، وخصوصًا بعد الفاكس اللي وصله، وكان القرار صعب عليه لأنه مرجعش مصر إلا مرة واحدة في وفاة والديه، وطول الفترة دي كان صديقه الوفي بيتابع شغله، لأن مقدرش يرجع مصر بعد جوازه من والدة عائشة و*** أخوه وتحميل والديه ذنب *** أخوه.
أما أسر فظل يفكر في تلك القطة الشرسة اللي خطفت قلبه وعقله، وإنه بقرار والدها ده هيتحرم منها، وسأل نفسه سؤال: متى عشق هذه الطفلة؟ هل منذ أن رآها؟ أو من كلام والدها المستمر عنها؟
فاق على صوت مراد وهو بيوجه كلامه له: معلش يا أسر، أنا كده هزودها معاك، أنت كده هتابع شغلي هنا وكمان شغلي اللي مع والدك وشغل والدك لحد ما يرجع بالسلامة.
أسر: متقولش كده يا مراد بيه، حضرتك عارف إني بحب الشغل وبكون سعيد وأنا بشتغل.
مراد بضحك: أولًا احنا بره الشغل في اسمي أنكل مش مراد بيه. ثانيًا انت بتفكرني بنفسي، بس خد مني نصيحة: الوسط اللي إحنا فيه لا استهتار ولا جد، خد الأمور بوسطية.
أسر: إن شاء الله.
ووجه مراد كلامه لعائشة: في إيه يا عائشة؟
عائشة بدموع: مفيش يا دادي.
مراد: طب كلي يا شوشو. وابتسم ابتسامة صغيرة.
شوشو: حاضر يا دادي.
وبعد فترة كانوا خلصوا أكل ومشيوا، مراد مع عائشة في عربيته وأسر في عربيته وراءهم على البيت بعد ما طلب منه مراد إنه يجي معهم لإنجاز بعض الأعمال وترتيب الشغل في حالة غياب مراد.
وصلوا الفيلا وخرجت عائشة جري من العربية وهي بتكتم دموعها، وأول ما دخلت شفتها دادة سميحة اتخضت: مالك يا شوشو؟
شوشو طلعت جري على أوضتها من غير كلام، بس دموعها سابها.
دخل مراد مع أسر، قابلتهم سميحة: خير يا مراد بيه؟ مالها شوشو؟
مراد بجدية: من فضلك يا سميحة، خليكي مع شوشو لحد ما أخلص شغل مع أسر.
سميحة طلعت لأوضة عائشة.
أما مراد دخل هو وأسر على أوضة المكتب لتمام بعض الأعمال.
سميحة دخلت على شوشو لقتها مرمية على السرير وبتعيط، قربت منها: ممكن أفهم القمر بتاعي بيعيط ليه؟
شوشو من بين شهقتها: مصيبة يا دادة.
سميحة بخضة: مصيبة إيه يا بنتي؟
شوشو مازالت مستمرة في البكاء: دادي قرر إننا نرجع مصر.
سميحة باستغراب: امتى وليه؟
شوشو: امتى؟ النهاردة واحنا بره. ليه؟ مش عارفة، كل اللي أنا عارفه إني مستحيل أنزل مصر.
سميحة وهي بتبطبط عليها: ليه يا بنتي؟ ده بلدك.
شوشو: لا، بلدي هنا وحياتي هنا، أنا معرفش بلد تاني غير هنا.
سميحة: لا، بلدك مصر، وبعدين هو ده السبب؟
شوشو وهي تبتعد عن حضنها: بعدين، انت عايزة دادي أول ما أنزل يجوزني لابن عمي ويقولي هي ده عاداتنا وتقاليدنا.
سميحة باستغراب: ابن عمك؟ عمك مين؟ وإيه الكلام ده؟
شوشو وهي بتمسح دموعها بايديها زي الأطفال: أنا بشوف كده في مسلسلاتهم بيعمل كده.
سميحة وهي بتتضحك: هو ده اللي مخليكي مش عايزة تنزلي مصر؟
شوشو: آه طبعًا.
سميحة وهي مازالت بتتضحك.
شوشو بنرفزة: إيه اللي قولتيه مخليكي بتتضحكي كده؟
سميحة: اهدي واقعدي. أولًا باباكي وحيد، كان ليه أخ ومات من زمان ومكنش متجوز علشان يبقى ليه ولاد. ثانيًا: مستحيل يكون ده تفكير مراد بيه.
شوشو: ما أنا عارفه، بس بشوف في مسلسلات كده، وبعدين واحدة صحبتي ادتني رواية بتحكي عن كده.
سميحة: لا يا حبيبتي اطمني، مفيش حاجة من دي هتحصل.
شوشو: بجد؟
سميحة: بجد. ادخلي يلا خدي حمام دافئ علشان يضيع تعب اليوم.
خرجت سميحة من عند شوشو وهي بتتعجب من قرار مراد بيه اللي اتفاجات بيه، بس بينها وبين نفسها أكيد حاجة كبيرة اللي توصلك لقرار النزول.
أما عند مراد وأسر قعدوا يتكلموا في شغل، لكن أسر كانت دماغه مشغولة بقطته الشرسة ودموعها اللي كل ما يفتكرهم قلبه يوجعه عليها. فاق من شروده على صوت مراد.
مراد: كده تقريبًا وضحت ليك كل حاجة.
أسر: هه؟
مراد: سرحان في إيه؟
أسر: مفيش، أصل بصراحة مستغرب من قرار حضرتك المفاجئ.
مراد: قراري مش مفاجئ، بس كنت مستني الوقت المناسب.
أسر بفضول: هو ده الوقت المناسب؟
مراد: عارف يا أسر، أنا نفسي من زمان أنزل مصر، بس كنت خايف.
أسر باستغراب: خايف من إيه؟
مراد: حكاية كده، مسيري في يوم هحكيها ليك، بس اللي لازم تعرفه إن اسم أبوي في السوق في خطر، ولازم أنقذه. يلا بقى علشان عايز أستريح.
أسر: يلا.
خرجوا الاتنين من المكتب في وقت نزول سميحة من فوقها.
أسر كان نفسه يجري عليها ويسألها على قطته، بس مراد سابه وسأل على شوشو.
سميحة بضحك: الحمد لله بقت أحسن.
مراد: بتتضحك على إيه؟
سميحة: أصل شوشو وحكت ليهم على كلامها.
مراد: ضحك على بنته وطريقة تفكيرها.
أما أسر ففرح على طريقة عفوية وشقاوة قطته.
استأذن أسر ومشى، ومراد أمر سميحة بترتيب لوازم السفر الخاصة بشوشو.
ظلت فريدة تكمل باقي حكايتها لزينات.
وفضلت في أوضتي تقريبًا اليوم كله حابسة نفسي، مش عايزة أشوف حد ولا أتكلم.
علاء بقلق: احنا هنسيب فريدة كده؟ أنا خايف عليها.
علا: أنت قلبك خفيف ليه كده؟
علاء: أنا خايف عليها، انت قلبك جامد.
علا: استنى، أنا هروح لخالتي توحيدة وأحكيلها.
خرجت علا وخبطت على توحيدة.
فتحت الباب: علا، خير يا بنتي؟
