المحامي شافني، وشه اتخض، وبص للست اللي قدامي وقال انتي كلمتيها؟
الست هزت راسها وقالت مكنش ينفع أفضل ساكتة أكتر من كده، كفاية 20 سنة سكات
أنا قمت وقفت وقلت حد يفهمني في ايه؟ انت تعرفها؟ وانت تعرف بنتي؟
المحامي شد كرسي وقعد وقال اقعدي يا بنتي، الحكاية طويلة، ولازم تسمعيها للآخر
قعدت، رجلي مش شايلاني، وطلبت ماية، صوتي مش طالع.
الست اللي قدامي مسحت دموعها وقالت أنا هبدأ من الأول خالص
من 22 سنة، كنت بحب جوزك، كنا صغيرين، هو كان عنده 19 سنة وأنا 18، كنا بنحلم نتجوز ونخلف ونعيش، وهو من حبه فيا راح وشم وشي على صدره، الوردة البنفسجي اللي ورا وداني دي، هو اللي كان دايماً يجيبهالي، كان بيقولي انتي البنفسج بتاعي
قلبي اتقبض، يعني التاتو مكنش خيالي ولا حاجة، ده كان هي فعلاً.
كملت وبعدين حصلت مشكلة كبيرة، أنا حملت، وكنا صغيرين ومش جاهزين، وأهلي كانوا ناس شداد، قالولي يا تنزلي البيبي يا هنطردك، وهو أهله قالوله انت لسه عيل وهتضيع مستقبلك، اتخانقنا، وسبنا بعض، وأنا مقدرتش أنزل البيبي
بصيت للمحامي، المحامي كان موطي راسه.
قالت خلفت بنت، بنت زي القمر، سميتها على اسم الوردة اللي كان بيجيبهالي، وكنت لوحدي، بشتغل وبربيها، بس كنت تعبانة أوي، ومش قادرة، وبعد 6 شهور جالي ظرف صحي، والدكاترة قالولي لازم عملية كبيرة، ولو حصل غياب هسيب البنت لمين؟
بدأت تتأثر وقالت كلمته، كلمت جوزك، بعد 6 شهور فراق، قلتله عندك بنت، بنتك، ومحتاجة حد يربيها لو جرالي حاجة، هو جالي جري على المستشفى، شاف البنت، وشالها وعيط زي العيل الصغير، وقالي مټخافيش، بنتك في عيني
أنا حاسة الدنيا بتلف بيا، يعني بنتي اللي متبنياها.. تبقى بنت جوزي؟ بنته من الست دي؟
المحامي اتدخل وقال أنا كنت محامي عيلة الست دي، وهي جت قالتلي عايزة تضمن مستقبل بنتها، وأنا كنت أعرف جوزك وأعرف انه هو ومراته بقالهم سنين مش بيخلفوا وبيقدموا على تبني، ففكرت، ليه البنت تروح لحد غريب وهي ليها أب بحبها؟ بس مقدرش أقول الحقيقة عشان التبني ساعتها كان مقفول لو الأب معروف، لازم يبان انها بنت مجهولة النسب
الست قالت هو وافق، ومراته اللي هي انتي، كنتي بتتمني ضنا، وهو قال هي دي فرصة، نتبنى البنت رسمي وتبقى بنتنا احنا الاتنين، ولا من شاف ولا من دري، وأنا هبعد خالص، هسافر، وهعمل اني بعيدة، عشان بنتي تعيش حياة نظيفة مع أب وأم بيحبوها
أنا شهقت وقلت يعني انتو مثلتوا عليا؟ جوزي مثل عليا 12 سنة ان بنتي اللي ربيتها مش بنته؟
الست مسكت إيدي وقالت هو ممثلش عليكي عشان بيكرهك، هو مثل عليكي عشان بيحبك، كان كل
يوم يقولي انا خاېف مراتي تعرف اني خبيت عليها، بس خاېف أكتر أخسرها، وخاېف بنتي لما تكبر تعرف الحقيقة
قلتلها وانتي؟ قدرتي تبعدي 12 سنة عن بنتك؟
قالت وهي متأثرة كل يوم، كل يوم كنت بتمنى أطمن عليها، كنت بفتح صفحتك على الفيس بوك أشوف صورها وهي بتكبر، وهي في المدرسة، وهي في عيد ميلادها، وجوزك كان بيبعتلي صورة كل سنة في نفس اليوم اللي سبتها فيه، من غير كلام، صورة بس، عشان يطمني انها كويسة
المحامي فتح الملف اللي في إيده وطلع ورقة وقال دي شهادة ميلادها الأصلية، فيها اسم أمها الحقيقي واسم أبوها الحقيقي، احنا كنا شايلينها للأمانة، ودي جوابات هي كانت بتكتبها لبنتها كل سنة في عيد ميلادها وعمرها ما بعتتها
بصيت على الجوابات، 12 جواب، كل جواب مكتوب بخط مرتعش إلى بنتي حبيبتي، كل سنة وانتي طيبة، يا رب تكوني بخير، ماما بتحبك
مقدرتش أمسك دموعي، أنا اللي ربيت البنت 12 سنة، أنا اللي سهرت الليالي لما كانت بتسخن، أنا اللي وديتها أول يوم حضانة، كنت فاكرة اني أمها الوحيدة، طلع فيه أم تانية بتفكر فيها كل يوم من غير ما بنتها تعرفها.
قلتلها ليه دلوقتي؟ ليه ظهرتي دلوقتي بعد 12 سنة؟
مسحت دموعها وقالت عشان أنا مريت بظروف صحية تاني، والدكتور قالي محتاجة متابعة، وقدامي وقت ومكنش ينفع أفضل ساكتة وبنتي متعرفش ان أمها كانت بتحبها ومسابتهاش عشان بتكرهها، سابتها عشان بتحبها أكتر من روحها
سكتنا كلنا، صوت المعالق في المطعم بس اللي كان طالع.
وبعدين سألتها وجوزي عارف انك قابلتيني؟
هزت راسها وقالت لا، انا كلمت المحامي وقلتله نفسي أشوف بنتي مرة، حتى لو من بعيد، هو اللي قال نكلمك انتي الأول عشان انتي اللي ربيتي، انتي اللي ليكي الحق تقرري
قلتلها وبنتي؟ هتقوليلها ايه؟ هتقوليلها انا أمك الحقيقية؟ هتدمريها؟
قالت لا والله، انا مش عايزة آخدها منك، انتي أمها، انتي اللي ربيتي، أنا بس عايزة أشوفها مرة واحدة، أحضنها مرة واحدة، وأقولها انها كانت محبوبة من أول لحظة، من أمين مش أم واحدة
قمت وقفت، رجلي بتترعش، وقلت أنا لازم أمشي، مش قادرة أفكر
المحامي قالي يا بنتي جوزك راجل طيب، هو غلط انه خبى، بس هو كان بين نارين، بين حبه ليكي وحبه لبنته
مشيت لحد باب المطعم وأنا بعيط، وقبل ما أخرج، الست نادت عليا وقالت الوردة البنفسجي اللي ورا وداني، بنتك عندها نفس الوحمة، نفس المكان، ورا ودانها، شوفيها لما تروحي
جريت على العربية وسقت وانا مش شايفة الطريق من الدموع.
روحت البيت، بنتي كانت قاعدة بتذاكر في أوضتها، عندها 12 سنة، شعرها طويل زي أمها، أول ما شافتني جريت عليا وقالت ماما اتأخرتي ليه؟
حضنتها جامد أوي وفضلت أشم ريحتها، ورفعت شعرها من ورا ودانها، لقيت وحمة صغيرة بنفسجي، نفس شكل الوردة اللي على صدر جوزي.
وقتها عرفت ان الحكاية كلها حقيقية.
جوزي رجع بالليل، لقى عيني وارمة من العياط، والصور والجوابات وشهادة الميلاد على الترابيزة.
وشه اصفر وقع على الكرسي وقال عرفتي؟
قلتله بقالك 20 سنة واشمها فوق قلبك وبتقولي خيال، وبقالك 12 سنة مخلي بنتك تتربى في بيتك على انها متبنياه ومفهمني انها بنت ناس تانية، كنت مفكرني ايه؟
قعد على الأرض وعيط زي العيل وقال كنت خاېف لو قلتلك وتسيبيني، وكنت خاېف لو بنتي تروح لحد غريب، كنت فاكر اني بعمل الصح
قلتله الصح انك كذبت على مراتك 20 سنة؟
قال الصح ان بنتي كبرت وسطنا، في
حضن أم بتحبها زيك، بدل ما تكبر في مكان تاني، أنا غلطت، بس والله كل يوم كنت بتأثر
بصيت لبنتي اللي واقفة على باب الأوضة وسمعت كل حاجة، ودموعها نازلة، وقالت يعني الست اللي في التاتو دي.. تبقى ماما؟
مقدرتش أرد، جوزي قام حضنها وقالها انتي عندك أمين بيحبوكي أوي، أم ربتك وكبرتك، وأم تانية حبتك من أول نفس واديتك لينا عشان تحميكي
البنت قالت أنا عايزة أشوفها
