جالسه بالمواصلة العامة التى ستعيدها لتلك القرية من جديد تستند على النافذة ودموع عينيه لا تفارق مخيلتها و سؤال واحد يتردد بداخلها
” لما عدت ولمة الان؟”
لم تنتبه لرنين هاتفها منذ فترة حتى لكزتها سيدة تجلس إلى جوارها.
_تليفونك بيرن من بدرى يا بنتى ، واهو بيرن تأتى تلاقيها خامس مرة يرن، كل ده ومش سمعاه، شكلك كنتى سرحانة، فى حاجة معاكى؟
لم تلقى لحديثها بالا وهى تخرج الهاتف من حقيبتها، ضيقت عينيها وهى ترى ذاك الرقم الغير مسجل لديها، ترددت كثيرا فى الاجابه ولكن فكرت لربما يخص احد يعرفها وهناك أمر طارئ.
_الو.
_مريم، اخيرا رديتي.
عرفته على الفور وهل يخطئ القلب فى تمييز ذاك الصوت وقد ارقه ليال طوال.
_مين معايا؟
_للدرجة دى زعلانه منى!
_حضرتك هتقول مين ولا اقفل.
_أكرم يا مريم.
_اسفة معرفش حد بالاسم ده.
أغلقت المكالمة لم تعطه فرصة للحديث، كما قامت بحظر ذاك الرقم، لتستند برأسها على زجاج النافذة المجاورة لها من جديد ، شاردة بذاك اللقاء وقد تغيرت حياتها بعده.
أهدى يا بنتى روشتينى فى ايه؟ مالك؟
رانيا وهى تنظر إلى ساعة يدها بنفاذ صبر: خالو اتاخر اوى، يعنى الحكومة فتحية يوم ما توافق اخذ إذن وامشى هو يتأخر، اكيد مع وحده من ال يعرفهم ونفضلى.
_ههههه، خلى بالك إنت بتسوءى سمعته، احنا بقينا مسمينه الدنجوان من كتر كلامك عنه وعن مغامراته خلى بالك بعدين مش هيلاقى ال تتجوزه.
_مين ده؟ خالو أكرم! يا قلبى يوم ما يقول يا جواز الف هيترموا كده يمين وشمال بس المهم مين ال هتقدر توقعه.
اكملت وهى ترفع يدها للسماء” يارب يقع ويطب ويحب بقا عايزين فرح فى العيلة تعبناااا.”
_يارب يختى، الاا قوليلى اخبار جدتك رايحة معاكم هى كمان؟
_ رانيا بحزن:لا يا مريم انا وخالو بس، جدتى تعبانه اوى وماما معاها مش هينفع تسيبها، كل زيارة يسأل عليها يا حبيبى بنقوله بخير وبتدعيلك، يقول مش بتيجى ليه معاكم وحجتنا ان رجلها وجعاها مبقاش يصدقها ، بطل يسأل عليها اول ما يشوفنا من غيرها وبقا ما يقولش غير سلمولى عليها وخلوها تدعيلى.
_بصراحه انا مش فاهمها، هى ازاى زعلانه عليه لدرجه انها تعبت ووقعت من طولها من الزعل وازاى مش بتروح تزوره وتطمئنه عليها وهى تطمئن عليه.
_بتقول لو شافته بوضعه ده هتموت فيها ومش هتستحمل.
_ربنا يقويها ويشفى عنها، هو ايه اخر اخبار القضية بتاعته.
_ رانيا بفرحة عارمة:ما هو ده السبب ال خالى أكرم هياخدنى ونروح لخالو احمد نبلغه بيه بنفسنا.
_خير.
_الرجل ال كان عنده فى الشقة وحطله الفلوس اتمسك والتحقيق شغال معاه وبإذن الله براءه خالو احمد هتظهر ويطلع من قضية الاختلاس دى.
_مبرووك مبرووك.
_حبييتى الله يبارك فيكى.
نظرت لساعة يدها لتطلم على وجنتها برفق: يا نهار اسود.
مريم وهى تحمل حقيبه يدها تستعد للرحيل بعدما أخذت المربيطة الأطفال إلى الحديقة حتى ياتى ذويهم.
_مالك يا بنتى فى ايه؟
_اهو معاد المرواح وخالو لسه مجاش.
_ههههه، يا مجنونه الغايب حجته معاه و…
قطع الحديث صوت بوق سيارة ياتى من الخارج، لتشير رانيا بسعادة للخارج وهى تحمل حقيبة يدها: اهو جه، يالا بينا بقا.
قالتها وهى تخرج متبأطه لذراع مريم ، توقفها المديرة بصوتها، لتلف لها رانيا ببطء تتلو ما تيسر من الايات القرآنية ومريم تحاول بصعوبة كبت ضحكاتها.
بينما بالخارج لا يزال يضرب بوق سيارته: لتهمس رانيا ” ما تصبر يا خال انا هتعلق اهو من تحت رأسك”
المديرة: بتقولى حاجة يا رانيا.
رانيا: لا يا افندم.
المديرة: انتى مش كنتى اخدتى إذن تخرجى بدرى انهاردة بسبب مشوار عائلى وعلى الأساس ده مس هبه استلمت فصلك.
رانيا: حصل يا فندم.
المديرة: اومال حضرتك واقفة قدامى لحد دلوقتى ليه؟!
رانيا بصدق وهى تشير باصبعها للخارج: خالى ال هروح معاه اتاخر عليا.
المديرة: وقتها كان المفروض رجعتى فصلك لحد ما يجيلك.
رانيا: غلطة ومش هتتكرر تانى يا افندم.
المديرة وهى ترحل من امامهم: هى فعلا مش هتتكرر تانى.
رانيا تلتقط أنفاسها المحبوسة: ايه الست دى ترعب
ضيقت حاجبيها وهى ترهف السمع: خالو بطل يزمر ليه، ليكون سابنى ومشى.
قالت آخر كلماتها وهى تركض بفوضوية أسقطت بسببها جذلانها تحت ضحكات مريم العالية والتى لم تستطع كبتها اكثر من ذلك.
زفرت براحه وهى تراه يقف امام سيارته متخصرا لتتوجه له سريعا.
اكرم: كله ده لطعانى على الباب.
رانيا: خدوهم بالصوت يعنى.
اكرم: ما الهانم بزمرلها من الصبح وو
وقف ينظر خلفها لتلك القادمة باتجاهم.
مريم بابتسامة من اثرضحكاتها تنادى بصوت هادئ: رانيا.
التفت لها على الفور: فى ايه الحكومة عايزانى ولا ايه؟
مريم بضحكه خفيفة تشير برأسها على حقييتها: شنطك مفتوحه وانتى بتجرى زى الهبلة المحفظة وقعت منها.
مدت لها بها ، لتأخذ الاخرى بفرحه: الحمدلله فيها حته شوكولاته لو راحت كنت هزعل عليها اوى.
مريم: ههههه انتى مشكلة.
اكرم بلا وعى وهو ينظر لها: لا هو انتى المشكلة.
مريم: افندم.
اكرم بحرج: احمم، اكرم خال رانيا معلش اصلها اتلهت فى الشيكولاته ونسيت تعرفنا ببعض.
مريم ببعض الخجل تنظر الى يده الممدوة لها بالسلام هى تعلم أن خال رفيقتها صغير ولكن لم تتخيله إلى هذا الحد، صافحته سريعا لتستأذن بالرحيل.
أكرم: استنى نوصلك معانا .
مريم : شكرا مش عايزة اتعبك.
أكرم وهو يضرب رانيا على عنقها من الخلف: سيبك من ام حته الشكولاته المعفنة ال بتاكلى فيها كانك فى أخر زادك وشوفى صحبتك المفروض نوصلها ولا ايه؟
رانيا: فاتتنى دى ، بت يا مريم تعالى اوصلك معانا بدل تعب المواصلات واهو اذلك بالتوصيلة سنه قدام.
مريم ترحل ضاحكة: متأكده انك هتعملى كده فبلاش احسنلى كده كده انتى عارفة مش هينفع.
رانيا هزت رأسها تشير مودعة اياها: اشوفك بكرة بقا، سلام، يالا يا خالو.
_خالو!
خال، الله هو ماله واقف كده ليه؟
لكزته بكتفه منادية : خال.
_هش هش.
_الله هو انا ذبابة ، ما يالا بينا.
أكرم وهو لا يزال ينظر فى اثر تلك الراحلة.
_هى دى مريم ال مصدعانى بيها ولا حد غيرها.
_ايون، هى دى مريوم .
_طب يا عديمة الاحساس قالتلك لا يبقى لا، تقول ايه دلوقت عزومة مركبية.
رانيا وهى تسبقه إلى السيارة.
_انا فاهمة دماغها هى هتتحرج تركب معاك العربية.
أكرم وهو يربط حزام الأمان.
_ده على اساس انك شفافة.
_لا بس هى من النوع الخجول تلات حبات وبعدين عندها فى البيت شداد سيكا.
_امممم تمام يالا بينا.
عادت من شرودها وهى تتنهد بحزن كيف كثر لقاءها به كيف كان ياتى بشكل يومى لأجل رانيا حتى هى نفسها اندهشت من ذلك، كيف استطاع ان يجذب انتظارها إليه دون حديث فقط تلك اللمعة بعينيه فعلت بها الافاعيل، كيف نهرت نفسها حتى تعود لرشدها من ذلك الطريق، شخص لا يشعر بوجودها وحتى ان؟ كيف تفكر به وهى من أطلقت عليه لقب الدنجوان.
اخدت قرارها ستتحج بأى شئ ولا تخرج مع رفيقتها حتى لا تلقاه مجددا.
بالفعل مرت اكثر من يوم تراقبه خلف ستائر النافذة يقف بالقرب من سيارته وعينه على الباب حتى بعد صعود رفيقتها إلى جانبه.
بداخل السيارة.
_رانيا، هى مريم بطلت تيجى الحضانة ولا ايه؟
_لا، بتيجى فى حاجه ولا ايه؟
_لا، اصل بطلت اشوفها بتخرج معاكى.
_لا انا بطلع قبلها، بيكون وراها حاجات بتخلص فيها، بس انت مهتم اوى كده ؟ لحظة وحده ومن امتى حنية القلب دى كلها كل يوم تروحى ده انا شوية وهدمع من فرحتي ، خال اوعى يكون ال فى دماغ صح؟!
_بس يا هبلة ، لا طبعا مجرد فضول مش اكتروبعدين تصدقى انا غلطان انى معبرك من بكرة لسيبك ترجعى تتلوحى فى المواصلات من بكرة.
_رانيا بفزع : لا يا خال ما تعملش فيا كده انا خلاص كنت قربت انسى زحمة المواصلات وشكل الاتوبيس عامل ازاى، حقك عليا يا كبير.
_ايوه كده، اتعدلى.
جالسة بغرفتها تتصفح ما ينشره اصدقائها بعقل شارد حتى أتت لها رسالة جعلتها تهب من على الفراش تنظر لصوره مرسلها.
هل يمكن أن يكون هو؟
هكذا سألت حالها ، لتقرر الضغط عليها.
_اهلين.
_حضرتك عرفت صفحتى من فين؟
_طب بذمتك ده رد أو حتى ده سؤال؟
علىى العموم شفتك معلقة فى صفحة زفتونه فعرفتك على طول.
_فى حاجة؟
_توتو كده يا مريم هتخلينى اغير وجهه نظرى فيكى ابعدى عن رانيا شكلها بهتت عليكى وبقيت دبش زيها.
_كتمت ضحكتها بصعوبه لتراسله.
_اصلى مستغربة يعنى.
_امممم، بصراحة كنت محتاج استشارة من بنت عاقلة بسبب مشكلة حصلت بين اتنين من التمريض معايا بسبب زميل ليهم وكل وحده بنتهم التانية أنها خطفته منها.
_طب ما رانيا موجوده.
_بقولك عاقلة.
_هههههه، خلاص احكى .
توالت المحادثات بينهم، يقص على بعض الطائف التى تصادفه بعمله، ما يتعرض له من مضايقات، همومه وهى أيضا تقص عليه طرائفها مع الصغار ، تستمع له أكثر مما تتحدث لتنشا بينهم صداقة،ادرجت تحت مسمها مراسلاتهم سويا ، مصافحتها له كلما أتى ليقل رانيا دون خجل.
فى أحد المرات وبعد صعود رانيا إلى السيارة.
هرول خلفها نادى بهمس عندما اقترب منها.
مريم.
نظرت بسرعة للخلف.
_أكرم، فى حاجه؟
_بعتلك رسالة امبارح مردتيش عليا، قد كده مشغولة بالضيوف ال هيجوا انهاردة.
_هى رانيا كده مش بيستخبئ فى بقها فوله، على العموم، انت بعتلي الساعة ١٢ بالليل، قولى كان ينفع ارد وقتها؟ اكيد لا.
قالتها وهى تعقد ذراعيها أمامها.
_امم، هتوافقى على العريس ده؟
_مش لما اشوفه الاول؟!
_طب بصى يا مريم هترفضيه تمام وقولى لأمك جاين ليكم بكرة بعد المغرب ، امين.
_مريم بغباء: امك!!
انت جاى تشتمنا؟!
_لا، جاى علشان اكلمك ١٢ بالليل براحتى يا مريوم.
اتبع حديثه بغمزة تاركا إياها تنظر فى أثره ببلاهه.
بالفعل أتى الضيف وتم الرفض ولكن من قبل والدتها فلم يعجبها طريقة حديثه ولا هيئته، اخبرتها عن خال رفيقتها بالعمل ورغبته بالمجئ لزيارتهم.
الام: وانتى رايك ايه يا بنتى موافقة غليه اجيب قريبنا يحضروا.
مش عارفة خايفة على متلخبطة يعنى رانيا قالتلى أنه بعد عن ال كان يعرفهم حتى هو لمحلى أنه فى وحده شاغله تفكيره مبقاش يشوف غيرها.
_لمحلك، ازاى؟ انتى كنتى بتقابليه من ورايا يا مريم؟
_لا والله هو بس الموضوع ، أخذت تقص عليها كل شئ وكيف ان علاقته به صداقة عادية لم تتخط لا هى ولا هو الحدود بها.
_الام بعقلانية:ال بيبقى لافف ده فى الاخر لما يلاقى ال تصونه بيهدى ويركز بس انتى غلطتى واوعدينى انك لو حصل نصيب اى كلمة حلوة تبقى فى بيته ولو محصلش يبقى تلغى الصداقة دى خالص، مفهوم يا مريم.
_حاضر يا ماما.
