نظرت امتثال الي فرحة بانبهار لجمالها الاخاذ وقالت:
ماشاء الله، انت فرحه كبرتي يا فرحه وبقيتي زي القمر، مشوفتكيش من عمر سنتين، بس انت صغيره اوي علي الجواز، مستعجل علي جوازه ليه ياعويس؟ دي الف مين يتمناها، ما تصبر شويا عليها.
ضحكت فرحة واخرجت شهادة تسنينها:
لا انا كبيرة كفاية، وابوبا طلع ليا شهادة تسنين علشان كتب كتابي بعد بكرة علي ابن عمي فاروق.
هزت امتثال راسها بالفهم وقالت:
طيب محلوله، مدام والدتك مشغوله سيب بنتك معايا لبكرة، مش هي بتعرف تطبخ وتعالي خدها بعد بكره يكون ابني سافر مع عروسته، وخد المبلغ ده يساعدك واوعي ترفض، انا معنديش ثقه في حد غيرك، انت شغال معايا من سنين، ثقتي فيكم عمياء، ها موافق؟
نظر عويس للمبلغ الذي سيجعلها يجهز ابنته احسن من اي عروس ويشرفها امام زوجها وحفاتها ويسد دينه ويزيد، فتلاعبت الافكار براسه وقال:
الظاهر مفيش حل غير كده، ماشي ياست هانم، بس يوم الاثنين الصبح هجي اخدها، وياريت تجهزي لينا عربية تسفرنا لانه هيكون يوم كتب كتابها وعايزين نحلقه، قلت ايه؟
تهلل وجهه امتثال بالفرحه والراحه وقالت:
ماشي يا عويس، اتفضل انت ومتقلقش علي بنتك، هحطها في عيني، وسلامي لزينب، وكمان هبعت معاها نقطتها مقابل خدمتها ليا ولابني.
شكرته وتركته مع ابنتها التي تجسد الحزن علي ملامحها وقالت:
انت هخليني اخدم يا با؟ دا انت عمرك ما ذلتني ولا كسرت نفسي، ليه كده يابا؟ فاروق هيقول عني ايه؟ خدامه؟ حرام عليك يابا والله.
صمها ابيها الي حصنه وقال:
مين قال كده؟ انت ست البنات وهتفضلي معززه مكرمه، لو علي فاروق هقوله الست هانم اصدت تقعدي معاها علشان تشتري ليكي هدومك هدية منها، وكمان المبلغ ده هيخليني اجيب باقي جهازك بدم، ا اجيبه بالدين يعني بعززك واشرفك قدام حفاتك اللي مش هتريحك لو قليت معاكي، انا وفقت علشانك يا فرحه وانت عارفه غالية عليا ازاي، هما يومين هتخدميها هي وابنها وبس، لان الهانم بتخاف علي ابنها لحد يسمه ومش بتثق في حد غير فينا انا وامك، وهو اصلا عايش بره، وانت ماشاء الله اكلك احلي من اكل امك، جهزي اكلهم وخلي بالك اوعي عينك تغيب عن الاكل وانت بتجهزيه، وبعد ما يسافر البيه هاجي اخدك ونكتب كتابك، ولا مين شاف ولا مين دري، فهمتي؟
هزت فرحة راسها بالموافقه فليس امامها حيله من رفض مساعدتها ابيها وامها الذين تورطو في تجهيزها.
صمها ابيها بسعادة وتركها في رعاية الهانم وخرج هو لانتظار فاروق الذي سياتي لكي يسافرا سويا.
دلفت فرحة بصحبة امتثال هانم الي المطبخ التي طلبت منها اعداد الفطار الي ابنها الوحيد فريد.
قامت فرحة باعداده باتقان جعلت امتثال تتوسم فيها خيرا، وبعد الانتهاء طلبت منها:
يلا زي الشاطرة كده طلعي الفطار للبيه وخليكي جمبه لحد ما يخلص ماشي.
حدقت فيها فرحة بذعر وقالت بحدة:
اطلع ايه يا ست هانم؟ لا انا هجهز الاكل وبس، مليش فيه، ياكل او لاء، ياسود عيشتي، عايزاني اطلع ليه اوضته؟ دي يبقي حزن قاطع.
امسكت امتثال يدها وضغطت عليه بحدة:
اسمعي يا فرحه، كلها بكرة وقلبي هيطمن علي ابني، انا مش عايزه حد يحس بخوفي عليه، انا ممكن اطلعه لكن ازاي وفيه خدم كتير بالفيلا زي ما انت شايفه؟ فياريت تساعديني وليكي مكافاة مني كبيرة.
تاففت فرحة من قبلها وشعرت بالمسؤولية نحوها ونحو ابنها الذي تخاف عليه بشدة فقالت بتردد:
حاضر يا ست هانم، هطلع ليه الفطار واخدمه بعيني، مش علشان المكافاة والله، لكن علشان خاطرك بسبب خوفك عليه.
حملت الصنية واشارت اليه الهانم علي غرفته، صعدت فرحة اليه طرقت الباب عدة طرقت فلم يجبها احد عليها.
فلم يكن امامها بد من الدخول عليه وايقاظه، دلفت الي الغرفة الغارقه في الظلام فدخلت تتحسس الي ان وصلت الي الطاولة وضعت عليها الصنية ودنت بحذر نحو الفراش فرات جسده متوسده باريحيه.
مدت يدها توقظه.
يتبع …
بنت الوادي
البارت الأول
دلفت فرحة الي غرفة فريد الغارقة في الظلام كي توقظه وبعدما وضعت الفطار علي الطاولة تلمست طريقها اليه حتي وصلت الي فراشه ولكزته برفق:
يا بيه اصحي، انا جبتلك الفطار.
لم تشعر فرحة بنفسها الا ويده تسحبها اليه فوقعت بجواره واحتضنها بقوه هاتفا:
اخيرا بقيتي ملكي وبين احضاني يا سونس.
وقرب انفاسه الحارة من انفاسها اللاهثه وكاد ان يطبلها.
دفعته فرحة بقوة في صدره وصرحت فيه بغضب:
اللهي تتوكس سونس مين؟ يلا تنشك، انا فرحة، وايدك عني لاقطعهالك يا ابن الهانم.
انتفض فريد من صوتها الغاضب واخذ يفرك عيناه بقدممه ومد يده اضاء القابس بجواره ونظر الي فرحة التي استقامت ووقفت بجوار الفراش تطالعه بغضب وحده وتحدى وقال بذهول:
انت مين؟ وايه دخلك اوضتي يا بتاعه انت؟
غمغمت بشر وردت عليها بحدة:
لا والله؟ يعني مش سونس اللي كنت واخدها في حضنك؟ اللهي تنشك في نوضرك.
وفجاة اشاحت بنظرها بعيدا عنه وصدحت فيه بخجل:
قوم قوم، كده واحتشم، والبس حاجه استر بيها جسمك، وبعدين اقولك انا مين.
واخذت تهمهم بصوت خافت لم يسمعه:
هي ايه الشغلانه الزفت دي اللي فيها الرجاله كده؟
حدق فيها فريد بعيناه العسليتان الذين يشعان ببريق لامع يزيد من وسامته ويجسد هدوء ملامحه وقال بامتعاض من هجومه عليها:
انت مستوعبة كلامك؟ يعني اقتحمتي عليا اوضة نومي وكمان بتطلبي مني استر نفسي علي اساس اني في اوضتك؟ اسمعي يا بتاعه، انت احسلك تخفي من قدامي بدم، ا اطلع غضبي وعصبيتي عليكي، انت فزعتيتي يا مجنونه.
وقفت مكانها لم تتحرك ساكنا وقد اولته ظهرك بعناد وتحدى وقالت:
قول اللي تقوله، انا مش همشي من هنا غير بعد ما تفطر وانزل للهانم اطمنها انك اكلت، خلصني بقي وقوم استر نفسك، حتي لو في اوضتك، عيب تقف قدامي كده، مش مكسوف من نفسك؟
نهض فريد من علي فراشه وشياطين الغضب تتلاعب في راسه ونظر الي فرحة شزرا بعد ان ادارها اليه فراها مغمضت العين بقوة وقال:
لا انت بلوى من بلاوى الزمن، هي مامي بعتتك ليا علشان تحرقي دمي علي الصبح؟ طيب خليكي كدة زي التمثال لما اشوف الست الوالدة جبتك منين.
امسك هاتفه واجري اتصال بوالدته قال لها:
لو سمحتي يا مامي تطلعي قبل ما اعمل مشكلة مع البلوى اللي جابت الفطار دي.
اغلق معها الاتصال دون انتظار ردها وقال لفرحة:
انا داخل الحمام اخد شاور علشان استر نفسي واعجب جناب الكونتيسة، والله انا مش عارف اللي زيكم عايشين ليه.
تركها علي وضعها ودلف الي المرحاض، ظلت فرحة مغمضت العين خجله من النظر الي جسده الشبه عاري لانها لم تشعر بمغادرته الغرفه ذلك لعدم علمها بان المرحاض يوجد داخل الغرفه وليس خارجه.
ظلت هكذا الي ان شعرت بالملل وقالت:
هو انت هتخرج في سنه؟ ما تخلص، انا تعبت بقي.
سمعت ضحكه حنونه وصوت امتثال هانم ترد عليها:
والله انا اللي تعبتلك، سلف مغمضه عينك كده ليه؟ ايه شفتي عفريت؟ ثم انت بتكلمي نفسك؟ مفيش حد غيرك بالاوضه يا فرحه.
فتحت فرحة عيناها وطالعت الهانم بدهشه وجالت في ارجاء الغرفه تبحث عن ابنها وقالت بارتباك:
لا يا هانم مشوفتش عفريت، بس ابنك كان عادي وماسترش نفسه قدامي، شكله مش بيستحي، ولما طلبت منه يستر جسمه لقيته بيزعق فيا وقالي خليكي وقفه كده متتحركيش وهيدخل يتحمم ويستر نفسه، بس هو خرج امتي؟ والباب كان مقفول.
