ـ “عادل.. أنا أسف يا نور.. أسف يا حبيبتي.” بصتله باستغراب: ـ “نور بتعتذر مني ليه يا حبيبي؟” عادل وهو بياخد نفس عميق: ـ “أنتِ طالق!” بصلته بصدمة كبيرة وبعدت عنه، وقالت بعياط: ـ “أنت بتقول إيه؟! طب ليه؟! ليه نهيت كل حاجة ما بينا?!” عادل: ـ “ادخلي لمي هدومك يا نور واطلعي بره البيت.. امشي!”
بصتله بصدمة كبيرة، ودخلت أوضتها بسرعة لمّت هدومها وخرجت وهي بتبص له بدموع.. لقته قاعد على الكنبة ومش فارق معاه دموعها اللي نازلة منها! فتحت الباب وراها ومشيت.
سمية: ـ “اهدي يا حبيبتي.. اهدي متعمليش في نفسك كده!”
نور بعياط شديد: ـ “هو أنا عملتله إيه عشان يطلقني كده?!”
سمية: ـ “دلوقتي الناس هتقول إيه علينا؟! ده أنتِ مكملتيش شهر جواز! هيطلعوا فيكي مليون عيب وهيجيبوا اللوم كله عليكِ أنتِ!”
نور بصتلها وعيونها مليانة بالدموع: ـ “أنا ميهمنيش كلام حد.. أنا هدخل أوضتي.”
سمية: ـ “طب اقعدي كلي لقمة.”
نور: ـ “شكراً.. أنا مليش نفس.”
دخلت أوضتها ورمت نفسها على السرير وفضلت تعيط بحرقة، وحاسة إنها اتظلمت أوي.
بعد مرور تلات شهور.. حاولت تخرج تفك عن نفسها شوية، لبست هدومها ونزلت.
ـ “مش دي نور؟” ـ “أيوه.. أنا سمعت إنها اتطلقت في أول شهر من جوزها!” ـ “أكيد جوزها اكتشف حاجة عنها وطلقها!” ـ “اللهم احفظنا.. ربنا يستر على ولايانا!”
نزلت بسرعة تحت نظراتهم ليها، نزلت وهي بتعيط بس بتحاول تداري دموعها عشان محدش يشوفها.. راحت قعدت في كافيه قريب من بيتها يعتبر مكانها المفضل لأنه بيطل على البحر، هي بتعيش في إسكندرية. ميلت رأسها على شباك الكافيه وفضلت تبص للبحر وتعيط.. اتنهدت وبصت للسماء: ـ “يا رب خليك جانبي.. أنا مليش غيرك، أنت وحدك أعلم إني مش شبه ما هم بيقولوا عليا.”
قعدت شوية ومشيت راحت بيتها.. فتحت الباب ولقيت مرات أبوها قاعدة وواحد قاعد جانبها!
نور بصدمة: ـ “إيه ده؟! أنتم مين?!”
خرج واحد من أوضتها.. فارس ببرود وهو بيربع إيده وبقف قدامها: ـ “أوضتك جميلة أوي على فكرة.”
نور بغضب وعصبية: ـ “أنت مين؟! وإيه اللي يدخلك أوضتي أصلًا?!”
فارس: ـ “أنا محدش يتكلم معايا كده، بس بما إنك متعرفنيش فعديهالك المرة دي.. وبعدين الحق عليا إني مش عايز أتعبك وبلملك هدومك بنفسي عشان متتعبيش وتيجي معايا على طول!”
نور: ـ “وأنا أجي معاك ليه أصلًا؟! أنا اعرفك يا ابني؟! هو إيه قلة الذوق دي?!”
راحت عند سمية بخوف، فـ فارس قال: ـ “تسمعي الكلام!”
نور بخوف: ـ “اللي هو إيه بقى?!”
فارس: ـ “تعال يا مولانا!”
خرج المأذون.
فارس: ـ “يلا اكتب كتابنا دلوقتي.”
نور بعصبية: ـ “يكتب كتاب مين؟! أنت اهبل يا ابني?!”
فارس بصرامة: ـ “شيء ميخصكيش.. أنتِ تنفذي اللي هقولك عليه من غير ما تتكلمي!”
سمية بخوف شديد: ـ “وافقي.. وافقي يا نور!”
نور بخوف شديد: ـ “خلاص خلاص أنا موافقة..”
المأذون: ـ “مينفعش تتجوزها تحت التهديد يا ابني.”
فارس بعصبية: ـ “بقولك إيه.. أنت تكتب الكتاب وأنت ساكت!”
المأذون بخوف: ـ “حاضر حاضر..”
(بارك الله لكما وبارك عليكما وجمع بينكما في خير)
راح عندها: ـ “مبروك يا مراتي يا حبيبتي.”
بصتله بقرف وبعدت نفسها عنه.
فارس: ـ “يلا عشان نروح بيتنا.”
نور بخوف راحت خدت شنطة هدومها ومشيت وراه.. ركبت معاه عربيته، واستغربت من أسطول الحراسة اللي كان واقف تحت العمارة واللي مشيوا ورا عربية فارس في عربيتين.. بصتلهم بخوف.
الطريق كان طويل لأنه من محافظة القاهرة، فوصلوا 11 بالليل.. دخلت معاه شقته، لقيتها كبيرة جداً عاملة شبه الفيلا، فيها جنينة صغيرة وفيها حمام سباحة وعبارة عن دورين.
طلعت معاه الدور اللي فوق اللي فيه أوضته.. فتح الأوضة ودخلت وراه، وانصدمت أما لقيت حيطان الأوضة مليانة صور لبنت جميلة جداً، وفيه صور ليهم هم الاتنين مع بعض! بصت على صورة منهم للبنت دي وفارس يوم فرحهم.
نور: ـ “دي مراتك؟”
تجاهلها ودخل غرفة الملابس.
نور: ـ “إيه قلة الذوق دي?!”
بصت لقته فارد جسمه على السرير.
نور بغضب: ـ “على فكرة أنا بكلمك.. رد عليا!”
راحت عنده ووقفت قدامه: ـ “بكلمك أنا على فكرة!”
كان أول مرة يركز في عيونها أوي كده؛ عيون عسلي ورموش كثيفة!
فارس بعصبية: ـ “أنتِ مبتعرفيش تسكتي خالص؟! من ساعة ما دخلتي الأوضة وأنتِ مش مبطلة كلام!”
نور: ـ “سيب إيدي!”
نور بصتله بخوف فقررت أنها تسكت دلوقتي.
دخلت اوضة الملابس ومعاها شنطتها.
فارس طفى النور وجيه عشان ينام، شغلت كشاف فونها وراحت عنده واتكلمت بصوت عالي: “والله!”
قام قعد على السرير وحط ايده على وشه بعصبية: “انتِ عايزة ايه فى ليلتك دى؟”
نور: “انت اللى عايز منى إيه؟”
فارس بعصبية: “تاني؟”
نور بصتله بخوف وبلعت ريقها: “والله ما انت قايم خليك قاعد نام واستريح.. بس هو يصح تطفى النور عليا وانا فى الاوضة؟”
حس بشعور غريب لما نطقت اسمه.. بصلها وهو جواه مشاعر غريبة أول مرة يحسها.
دخلت اوضة الملابس بسرعة بخجل كبير.
