صحتك يا ضنايا مش كده…انت من صبحية ربنا شغال هتشتغل كمان الساعتين بتوع بليل اللي بتريح فيهم…
لتكمل هامسة محاولة اغراءه و حثه علي القدوم
طيب عارف انا عاملالك ايه علي العشا..صنية البطاطس باللحمه اللي بتحبها و حمام محشي كمان…
غمغم راجح هو يمرر عينيه بيأس علي الاوراق المنتشرةعلي مكتبه
والله ياما ما هينفع….
لكن قاطعته نعمات بصوت صارم
والله يا راجح ما هحط حاجه في بوقي الا لما تيجي وانت حر بقي خلي
سكري يعلي عليا و اتعب انت ع…..
قاطعها راجح علي الفور و قد ادفأ قلبه حنانها هذا
خلاص ياما..خلاص انا طالع اهو هقفل المكان بس مع العمال و طالع..
غمغمت نعمات بحماس
ماشي يا نور عيني….و انا هقوم اجهز العشا تكون خلصت….
اغلق راجح مع والدته ثم نهض يجمع الاوراق ليأخذها معه المنزل ويسهر عليها هناك…
مر بعض الوقت…
فبعد غلقه الهاتف مع ولادته فما ان قرر الذهاب جاءه اتصال هام خاص بالعمل جعله يعاود فتح بعض الاوراق ومناقشتها مع الطرف الاخر…
رفع رأسه عن الاوراق التي امامه عندما سمع الصوت الصاخب لشقيقته الصغري هاجر
جري ايه…يا راجح كل ده شغل ماما قاعده مستنياك…
اخفض راجح سماعة الهاتف يتطلع اليها بصدمو قائلا پحده
ايه اللي جابك في الوقت المتأخر ده و ابويا ازاي سمحلك تنزلي لوحدك…..
قاطعته سريعا وهي تجلس علي المقعد الذي امامه
متخفش…ماما وقفتلي في البلكونة اصلها عماله تتصل بيك وانت مشغول……
اشار بيده للهاتف الذي بيده قائلا
جالي تليفون مهم…خاليكي قاعده لحد ما اخلص ونطلع سوا…
اومأت برأسها بصمت بينما تشاهده يعاود الحديث علي الهاتف و يولي اهتمامه اليه جلست تعبث ببعض الاشياء الموضوعة علي المكتب عندما رأت مبلغ من المال موضوع بين الاوراق التي فوق المكتب مما جعل عينيها تلتمع بحماس…
اخذت تحاول عدة مرات ان تمد يدها بهدوء محاولة الوصول لها و اخذها لكنها كانت تتراجع باخر لحظه خوفا من ان يراها شقيقها لكنها عندما وجدته ينهض ويتجه نحو خازنه الاوراق يبحث بين الملفات موليا ظهره لها نهضت سريعا خاطفة تلك الاموال و تدسها بجيب بنطالها سريعا قبل ان تعاود الجلوس بهدوء مرة اخري…
ظلت جالسة بهدوء حتي انهي المكالمة قائلا
معلش يا جوجو ذنبتك معايا و زمانك جوعتي هلم الورق ده ونطلع علي طول…
هتفت هاجر تتدلل علي شقيقها كالمعتاد
اها ونبي يا راجح…بطني خلاص مش قادره…
ضحك راجح بخفه وهو ينهض علي قدميه جامعا الاوراق المتناثرة بعشوائية علي المكتب..لكنه تذكر بانه قد اخرج من جيبه الف جنيه حتي يعطيها بالغد لحكيم لكي يقوم بسداد فاتورة الكهرباء الخاصة بالمخزن بفقد اخرجها ووضعها علي المكتب قبل قدوم والده مباشرة..
اخذ يبحث عنها بين الاوراق لكنه لم يجدها بحث علي الارض و بجيبه لكنه عجز عن ايجادها…
راقبت هاجر بتوتر شقيقها وهو يبحث بين الاوراق تصنعت عدم الفهم قائلة
بتدور علي حاجة…!
اجابها راجح وهو يبحث بدرج المكتب
فلوس فاتورة الكهربا كنت حاططها علي المكتب هنا مش عارف راحت فين…..
لكنه قاطع باقي جملته فور تذكره لصدفة و ما فعلته من اتهامها له بالتحرش بها فبالطبع سړقت تلك الأموال وقامت بصنع هذا المشهد حتي تداري علي فعلتها همس پقسوه من
بين اسنانه المطبقه پغضب
اها يا بنت الك..لب يا حرام ية…
غمغمت هاجر بارتباك وهي تتصنع البحث اسفل المكتب
بتقول حاجة يا راجح…
هز رأسه نافيا قائلا بهدوء
بقولك مش مهم و بكره هبقي اشوفهم…
ليكمل وهو يضع الاوراق بخازنة الملفات قبل ان يلتف حول المكتب ويقف بجانبها
يلا بينا نطلع..علشان اتأخرنا عليهم
لكن ما انهي جملته حتي عاد الهاتف للرنين وعندما اجاب وجده اتصالا هام مما جعله ينادي علي احدي العمال امرا اياه بتوصيل شقيقته للمنزل واعدا اياها ان ينهي العمل و يعود للمنزل سريعا
هتفت ام محمد بحدة بينما تراقب صدفة التي كانت منشغلة بصنع شطائر الفلافل للزبائن بوجه متجهم و الڠضب يرتسم عليه فمنذ قدومها من وكالة الراوي وهي علي حالتها تلك
يا بت ريحيني و قوليلي مالك في ايه…..انتي علي الحال ده من وقت ما رجعتي من وكالة الراوي في ايه حصل هناك خالكي قالبه وشك كده…..
لتكمل بقلق عندما استمرت في صنع الشطائر بصمت دون ان تجيبها و التجهم لا يزال مرتسم علي وجهها
طيب الحاج عابد زعقلك او قالك حاجة…..طيب راجح باشا عملك حاج……
الټفت اليها صدفة فور سماعها اسمه هاتفة بحدة و نفاذ صبر
بقولك ايه يا ام محمد متجبليش سيرته…انا عفاريت الدنيا كلها بتتنطط في وشي و مش طايقة نفسي احسن اقسم بالله اقو…..
لكنها قطعت باقي جملتها شاهقة پصدمة عندما قام احدي الاطفال باختطاف مصفاة الزيت التي كانت موضوعة علي الطاولة امامها ثم فر هاربا راكضا باقصي سرعه لديه و هو يهتف مغيظا اياها…
علشان تبقي تاخدي الكورة اللي بنلعب بها و تقطعيها كويس.. ابقي شوفي هتطلعى الطعمية بتاعتك علي ايه…
صړخت صدفة پغضب و هي تنتفض واقفة علي قدميها
انت ياض يا ابن الحرامية رجع المصفا و الا و ديني هاجي أأكلك الجزمة…..
لكنه تجاهلها و ركض بسرعة اكبر و مصفاة الزيت لازالت بيده مما جعلها تصرخ بشراسة و هي تمسك بطرف عبائتها السوداء و تركض خلفه سريعا و هي تصرخ
طيب وحياة امك لأطلع فيك قرفي و غلبي كله انت اللي جبته لنفسك يا ابن الرفدي……
ظل الطفل الذي كان يدعي احمد بالركض وهو يضحك فقد كان معتاد هو و اصدقائه علي إغاظتها بهذا الشكل…
بينما ظلت صدفة تركض خلفه متتبعه اياه بانفس لاهثة منقطعة يقودها ڠضبها المشتعل…
توقف احمد عن الركض اخيرا حتي يلتقط انفاسه التي انقطعت مراقبا بتسلية صدفة و هي تتقدم نحوه راكضة…
لكن تباطئت خطواتها عندما اصبحت لا تبعد عنه سوا عدة خطوات بسيطة تتقدم نحوه ببطئ حتي لا يفر هاربا
مرة اخري
لكن و قبل ان تصل اليه قام بضړب المصفاه بالارض عدة ضربات حتي تدمرت تماما ثم القاها نحو صدفة التي توقفت متجمدة پصدمة في مكانها عند رؤيتها لما فعله و قد تسلطت عينيها العاصفة بالڠضب علي مصفاتها المدمرة اسفل قدميها..
لكن زاد اشتعال نيران الڠضب بداخلها اكثر و اكثر ليصبح كالبركان الثأئر عندما وقف امامها يرقص بحركات بهلوانيه و هو يخرج لها لسانه مغيظا اياها فلم تشعر بنفسها الا و هي تنحني و تلتقط احدي الاحجار الكبيرة من الارض و تلقيه به و هو تصرخ ساببه اياها پعنف..
لكنها ابتلعت باقي سبابها هذا مطلقة صړخة فازعة فور ان رأت احمد يقفز مبتعدا سريعا عن مسار الحجر الذي سرعان ما اصاب و اخترق الجدار الزجاجي للمحل الذي كان يقف خلفه ليتهشم علي الفور و تتناثر شظايا زجاجه علي الارض شاهدت صدفة هذا المشهد بانفس منحبسه و قلبها يققز داخل صدرها پعنف و جنون رفعت عينيها المتسعة بالخۏف تتفحص المحل الذي تسببت في ټدمير وجهته…
لتشهق و هي تلطم وجهها بيديها صاړخه بفزع فور ادراكها انه المحل الخاص براجح الراوي..
يا نهار اسود و منيل عليا وعلي حظي الاسود
شاهدت بړعب احدي عمال المحل و الذي كان يدعي سيد يخرج من المحل وهو يهتف پغضب بينما يتجه نحوها مشيرا نحو شظايا الزجاج المتناثره علي الارض
ايه اللي هببتيه ده يا بت انتي ده انتي ليلة امك سودا النهاردة..
تراجعت صدفة الي الخلف عدة خطوات هاتفه بارتباك و قد ارعبها ضخامة مظهره فقد كان ذو طول فارع و جسم ضخم للغاية
عملت ايه يا خويا…!
لتكمل وهي تتصنع البراءة حتي تهرب من تلك المصېبة التي اوقعت نفسها بها
و انا مالي..انت هتلبسني مصېبة ولا ايه ده انا كنت معديه لقيت الواد احمد ابن سيد العطار ماسك قالب طوب و عايز يحدفه علي ازاز المحل حاولت امنعه بس مقدرتش عليه…عيل قليل الادب روح بقي شوف شغلك معاه هتتشطر عليا و لا اي…..
لكنها ابتلعت باقي كلماتها بفزع عندما رأته يتقدم نحوها و علامات الڠضب مرتسمة علي وجهه لتكمل سريعا متصنعة الڠضب
اييييه…في ايه انتوا…انتوا هترموا بلاكم علي الخلق ولا ايه…بعدين يعني هو ده جزاتي اني حاولت امنع الواد ده حتي………
انتي هتستعبطي يا روح امك..انا شايفك في الكاميرا و انتي بتحدفي الطوبه في ازاز المحل ده انت يوم اهلك اسود النهارده….
استولي عليها الخۏف فور سماعها كلماته تلك لتدرك انه تم الامساك بها متلبسة و لا يمكنها الإنكار اكثر من ذلك..
انتفضت للخلف نازعه نفسها من قبضته متخذة عدة خطوات للخلف بعيدا عنه لتسرع بنزع نعالها من
قدمها و امسكت به بين يدها ملوحه اياه بټهديد امام وجهه الذي كان يرتسم عليه معالم الشړ و الڠضب و هي تهتف بصوت مرتفع
لتكمل وهي تشير بالنعل الي جسده الضخم
ايه مستتخن نفسك.. ولا ايه و انت شبه الطور كده…
اندفع سيد نحوها يهم بضربها فور سماعه كلماتها المهينه تلك لكنه توقف في مكانه مرة اخري محاولا السيطرة علي غضبه فور تذكره ما سيحدث له من راجح الراوي اذا علم بانه قام بضړب امرأه فسوف ېقتله…
هتف بها پحده وهو يشير نحو الزجاج
هتتدفعي تمن الازاز ده ولا اخدك واطلع بيكي علي القسم و هما هناك يربوكي بمعرفتهم….
قاطعته صدفة پغضب وهي لازالت ممسكه بنعلها بيدها كما لو كان طوق نجاتها
هدفع..هدفع جيتك ستين نيله عليك و علي اللي مشغلك صحيح تنح زيه……
لتكمل بتأفف و حده
تمنه كام الهباب ده!
اجابها سيد و هو يعقد ذراعيه اسفل صدره بتحدي
الف جنيه….و لمي لسانك بدل ما اجبلك اللي مشغلني يعرفك مقامك
شهقت پحده وهي تهتف بفزع ضاړبه بيدها علي صدرها
الف ايه …الف عفريت لما ينططوك يا حرامي يا نصاب الف جنيه ليه كان ازاز البيت الابيض…..و هات اللي مشغلك و وريني هيعمل ايه…
قاطعها سيد پغضب و وجه متصلب بقسۏة و قد بدأ صبره ينفذ
ما تلمي نفسك بقي يا بت انتي انا ساكتلك من الصبح و ماسك نفسي بالعافية و انجزي هتدفعي ولا اخدك علي القسم و نخلص…….
غمغمت بحنق و هي تدير ظهرها له حتي تخرج حافظة الاموال التي تخبئها بصدرها مخرجة فلوس الجمعية التي اعطتها اياها ام كريم بالصباح..
هدفع …هدفع حسبي الله ونعمة الوكيل فيكوا….عالم مفترية…
ثم مدت يدها اليه بالمال وهي تغمغم پغضب
امسك حار و ڼار في جتتكوا يا بعده تصرفوهم علي علاجكوا ان شالله…….
ولكن عندما تحرك لأخذ المال منها تصلب مكانه فجأة عندما اتى صوت راجح الراوي العاصف من خلفه
انت بتعمل ايه عندك
اهتز جسد سيد پعنف كما لو ضړبته صاعقه و قد ارتسم معالم الارتعاب على وجهه الذي احتقن بشده مدركا انه تم الامساك به متلبسا ..
غمغم بارتباك بينما يلتف خلفه ليجد راجح الراوى يقف خلفه مباشرة بوجه مشتد بالقسۏة و الڠضب…
ابدا يا راجح باشا…..
ليكمل سريعا بارتباك محاولا تبرير ما يفعله
ده البت صدفة كسرت ازاز المحل و كنت باخد منها تمنه علشان نصلح…….
قاطعه راجح بقسۏة و حده بينما يقبض علي مقدمة قميصه يهز جسده پعنف
و احنا من امتي بنقبل العوض يالاا علشان تاخد منها فلوس….
اخفض سيد وجهه عالما بان راجح الراوي لن يمر هذا الأمر مرار الكرام فقد كان يعلم بانه لن يقبل بهذا المال لذا كان ينوي بأخذه لنفسه انتفض في مكانه
