وقف قابلته عز الدين وكانت نظراته توحى بالقلق !!
_هاا اخبارها ايه دلوقتى ؟؛
هتف بها عز الدين بجديه ممزوج بالقلق ، فرد الاخير عليه بهدوء :
_الحاله مش مستقره وهنعرف ان هل فى خطوره حصلت ولا لأ فى المخ بعد 24 ساعه ، بس احنا حالياً محتاحين نقل سائل !!
_هى فصيلتها ايه ؟
_ A
عز بشك : ايه !! انا اعتقد ان فصيلتها هى نفس فصيلتى !
الطبيب بجديه :
_لو حضرتك يا باشا عاوز تتبرع جزء من سائلك ليها، يبقى لازم نتأكد ان فصيلتك نفس فصيلتها ، خاصهٍ ان حضرتك مش متأكد !!
عز : ماشى ، لو طلع انها نفس فصيلتى ، يبقى تاخد كل اللى انت عاوزه من سائلى !!
الطبيب : طب اتفضل معايا يا باشا !!
توجه عز الدين مع الطبيب وتم اجراء التحليل وبعدما تأكد ان الفصيله متطابقه توجه معه إلى حيث ياسمين تركض فى غيبوبتها لا تشعر بأى شئ من حولها !
جلس عز الدين على الفراش المواجه لياسمين وحدث لنفسه قائلاً :
_ضيعتك ، ضيعتك من غير ما احس ، كلمه سمحينى عمرها ما هتجيب نتيجه ، بس اكيد هيجى يوم تسامحينى فيه !
بعد فتره عادت الممرضه إلى عز وقبل ان تنزع الإبره ، اردف هو بجديه :
_لحظه ، انتوا اخدتوا كل السائل اللى محتاجينوا !!
طبيب : لا يا عز باشا ، هى لسه محتاجه وحضرتك كفايه عليك ، لانها تعبت كتيير !
_لأ خدوا اللى انتوا عاوزينوا ، المهم انها تبقى كويسه !
طبيب : يا عز باشا ، صحه حضرتك مش كويسه !!
عز بغضب : ملكش دعوه ، اتفضل شوف شغلك !
طبيب : طب سؤال عشان اطمن على حضرتك وانا بسحب السائل هو حضرتك اتعشيت امبارح كويس وفطرت النهارده الصبح ؟
عز : لأ
الطبيب بصدمه : لا يا باشا مش هقدر اسحب ااا
قاطعه عز بشراسه :
_انا قولت خد السائل اللى انت عاوزه ، انا عاوز سائلى يكون بيجرى فى جسمها مش سائل حد التانى !
الطبيب : امرى لله !
ثم وجه حديثه للممرضه : كملى انتى وخدى السائل اللى مريضه محتاجه !
الممرضه : حاضر
وبالفعل بدأت تكمل مهنتها ولكن عز الدين كان يشعر بالفعل بعض من التعب ولكن قاوم ذلك الشعور واخفض بصره ناحيه ياسمين متأملاً سكونها وبعد دقيقتين نزعت الممرضه الابره النى كانت تسحب بها السائل واعطته كوباً من العصير البرتقال الطبيعى !!
الممرضه : اتفضل حضرتك عشان تعوض السائل اللى خدناه من حضرتك !!
عز باقتضاب : مش عاوز !
الممرضه : لازم يا باشا مينفعش حضرتك كده هتدوخ !
عز بانفعال : لأ مش هدوخ وياريت تمشى من قدامى !
بعد ذلك خرجت من الغرفه فتنهد عز الدين تنهيده حاره ، ووجه نظره ناحيتها ياسمين فوجدها مازالت فى غيبوبتها !!
اخرج عز الدين هاتفه من جيب بنطاله ولمسه بعض لمسات ثم وضعه على اذنه منتظراً الرد ، وبدأ يشعر بتعب يغمر جسده ، ولكن نفض ذلك الشعور وانتظر الرد بفارغ الصبر حتى رد عليه اخيراً :
_ألو .. ايوه يا إيهاب !
_ايوه يا عز ، خير !!
_ياسمين عملت موقف بالعربيه ونقلتها المشفى ، ياريت تيجى واسم المشفى ***اللى دايماً بنتعامل معاها!!
إيهاب بصدمه : ينهار اسود ! طب انا جاى حالاً !!
اغلق إيهاب وضغط على دواسه البنزين بقوه ، لتهتف منى بذعر :
_فى ايه يا إيهاب ؟!
_عز كلمنى وقالى ان ياسمين عملت موقف بالعربيه وفى المستشفى دلوقتى !!
منى وهو تضع يداها على صدرها وانسابت عبارتها :
_ايــــه !! ياسمين حصلها كده !!
بعد دقائق وصل إيهاب المشفى وصف سيارته امام المدخل وترجل مسرعاً وبرفقته منى ودخلوا المشفى !
ظل عز الدين جالساً مكانه، قرر النهوض ولكن شعر بدوار يهاجمه فجلس مره اخرى ولكن حاول الصمود ونجح فى ذلك ونهض من مكانه وخرج من الغرفه!!ليرى إيهاب يتجه نحوه وبرفقته فتاه ، شعر انه رأها من قبل وسرعان ما تذكر فإنها صديقه ياسمين ، تنهد عز الدين باختناق ووجه نظره لإيهاب الذى وقف قابلته وهتف بحده :
_ايه اللى حصل لياسمين !!
عز وهو يشيح وجهه : الدكتور دلوقتى هيقولى عندها ايه بالظبط !!
منى بانفعال : ليه عملت كده يابنى ادم ، ازاى تعمل كده ، دا انا أؤذيك !!
وحاولت ان تقترب لولا يد إيهاب التى منعتها من فعل هذا ، فنظرت لعز شرزاً وهتفت :
_انا رايحه اشوف ياسمين واطمن عليها !
وبالفعل غادرت من امامهم لينظر لعز الدين بضيق ولكن تبدلت ملامحه إلى قلق عندما وجده يغمض عينيه بقوه وقد وضع يده على رأسه فهتف بقلق :
_فى ايه يا عز ، مالك ؟ شكلك مش عاجبنى !
_مش عارف يا إيهاب ، دماغى ، دماغى وجعانى اووى ، انا عمرى ما حسبت بالوجع ده !!
إيهاب مبتلعاً ريقه بصعوبه :
_عز ؟ متخلنيش اقلق عليك !!
رأى إيهاب احد الاطباء يخرج من الغرفه فتوجه إيهاب نحوه هو وعز الدين ليهتف إيهاب بقلق :
_ها يا دكتور ، طمنى ؟!
الطبيب: انتوا قرايب البنت اللى لسه جايه عمله موقف بالعربيه ؟!
عز بلهفه ولاول مره : ايوه !!
اطرق الطبيب رأسه بأسف وهتف :
_ ربنا معاكم ، شدوا حيلكم !!
نزل الخبر عليهم كالصاعقه وخاصهٍ عز لم يستطع ان يتحمل الصدمه ، فبدأ يشعر بدوار قوى يهاجمه، فبدون قصد اسند على ذراع إيهاب ، فامسكه إيهاب مسرعاً وهتف بقلق بالغ :
_مالك يا صاحبى ؟؟ فى ايه ؟!
عز بدون وعى : لأ ياسمين لأ ، مش قادر ، مش قادر ، آآآآآآآه !!
صرخ عز الدين وهو يضع يديه على رأسه ويشعر ان الدوار يزداد وهناك صداع قوى يهاجمه ايضاً
لم يستطع ان يتحمل الصدمات التى تلقاها اليوم وفكره خسارتها للابد جعله فى حاله غير طبيعيه ، فاستسلم لمصيره واغمض عينيه ليسقط مغشياً عليه امام إيهاب الذى هتف بصراخ :
_عـــــــز !
(( الفصل الثانى والعشرون ))
_ فى احدى المستشفيات الراقيه !!!!
سقط عز الدين فاقداً الوعى ، واستسلم لمصيره المؤقت ، صدم إيهاب وشعر بالفزع والذعر على رفيقه ، فهدر بصراخٍ وقد ارتسمت على وجهه علامات الذعر :
_عــــــــــز !!!!!
صوته كان كافياً ليهز اركان المكان ، جثى على ركبتيه بعد ان وقع عز الدين وامسك رأسه براحتى يده ليهزه وهو يشعر بذعر وقد خانته دمعه ساخنه وهتف :
_عز !! فوووق يا صاحبى !! فوق بقااا !!
تحولت عينيه من قلق والذعر إلى جمرتين من النار وهو يحول نظره إلى ذلك الطبيب الذى ظل واقفاً مكانه وقد حلت الدهشه والذهول على وجهه والذى فغر ثغره مصدوماً مما رأه ، شعر إيهاب بأنه سينقض عليه بسبب وقوفه هكذا كلأبله ، فهدر به بصوته الجهورى :
_ انت غبى ولا ايه ؟؟ واقف بتعمل ايه ؟! اتصرف بسرعه ؟!
الطبيب بنبره مرتجفه :
_ اسف يا باشا ، ثانيه واحده !
وفى عده ثوانى تجهمر عدد لا بأس به من الاطباء ذو كفأه ومهاره ، وحاله ذهول سيطرت عليهم عندما رأوه فى تلك الحاله ، ولكن نفضوا تلك الحاله ، فلا وقت لهذا الذهول !! وسرعان ما احضر احدهم وهو يركض مسرعاً ويجر (( سريراً معدنياً نقالاً )) ناحيه إيهاب وهتف بجديه :
_شيلوا الباشا وحطوا على التروللى بسرعه !!
اتى بعض من الاطباء وبدأوا بمحاوله ان يحملوا جسد عز الدين وساعدهم إيهاب على ذلك !!
ادخلوا عز الدين غرفه الطوارئ وانتظر إيهاب فى الخارج ، وفى نفس الوقت .. جاءت منى مسرعه عندما استمعت إلى تلك الضجه وعندما رأت عز الدين يدخلونه غرفه الطوارئ ، فاتجهت مسرعه نحو إيهاب وهتفت :
_فى ايه يا إيهاب ؟!
إيهاب مغمضاً عينيه :
